FilipinoConnect.Com

“Larry, kahit ayaw mo kailangan nating pag-usapan.” Pilit ko sa kanya.

“Bakit ba ang kulit-kulit mo?” Galit na sabi kaagad ni Larry.

“Dahil hindi ko hahayaan na patuloy tayong magkaroon ng relasyon kahit pareho nating alam na wala ng patutunguhan ito.”

“Gusto mo talagang lumaya ano? Para kay Jerick.”

“Hindi lang iyon ang rason kundi iyon ang tama.”

“Akin ka lang. Hindi ka maagaw ni Jerick sa akin. Magkamatayan na kami.”

“Huwag ka namang ganyan Larry. Pinapagulo mo lalo ang sitwasyon eh.”

“Ano bang nagawa kong kasalanan sa’yo Kath at sinasaktan mo ‘ko ng ganito?” Luhaan ng sabi nito.

“Wala kang kasalanan Larry. Ako ang may kasalanan ng lahat. Dapat sa simula pa lang nagpakatotoo na ako sa tunay kong damdamin.”

“Kath, matututunan mo din akong mahalin. Subukan mo lang. Please!”

“Sinubukan ko Larry pero hindi ako nagtagumpay. Si Jerick pa din ang nilalaman ng puso ko. I’m sorry pero iyon ang totoo.” Hindi ko na napigilan na pumatak din ang mga luha ko. “I’m very sorry Larry but we have to end this relationship. Sana matanggap mo iyon.”

“Ganun lang ba kadali iyon Kath?”

“Hindi ganun kadali sa akin ang gawin sa’yo to Larry dahil naging mabuti ka sa akin. Ni minsan hindi mo ‘ko sinaktan. Ni minsan hindi mo ‘ko niloko.”

“Kath.” Niyakap niya ako. “Huwag naman o. Kahit ako na lang ang magmahal sa’yo. Kahit hindi mo na lang suklian iyon ok lang sa’kin. Sapat na ang pagmamahal ko sa’yo para sa relasyong ito. Please Kath!”

“Larry, hindi pwede! Ayokong patuloy na lokohin ka.”

“Tinatanggap ko iyon Kath at wala akong pakialam.”

“I’m sorry Larry. Nakapagdesisyon na ako. Hindi pwede na patuloy kitang karelasyon samantalang iba ang gusto kong makasama.”

“Hindi ka liligaya Kath kasama si Jerick. Hindi! Isinusumpa ko iyan.”

“Larry naman.” Nilapitan ko siya para aluin pero lumayo siya.

“Hindi ko matatanggap ang desisyon mo. Hindi ako maiisahan ni Jerick.” Pagkasabi ay lumabas na ito ng bahay namin.

Larry I’m sorry! Pataghoy kong sabi.

Nang lumingon ako sa direksyon papunta sa kwarto ko ay nakita kong nakikinig pala ang mama ko.

“Anong nangyayari sa inyo Kath?” Simulang usisa nito.

“Gusto ko na pong makipaghiwalay kay Larry Ma.”

“Ang bait-bait nuong tao gaganyanin mo lang.”

“Hindi ko naman po kasi siya mahal eh at di ko mapipilit ang sarili ko na mahalin siya.” Magsasalita pa sana ang mama ko ng may magpapatao po kaya pinuntahan ko ang pintuan.

“Jerick, anong ginagawa mo dito?” Gulat na tanong ko sa kanya. Nakita kong sumimangot ang mukha ng mama ko. Pagdakay pumasok na rin sa sariling silid.

“Dinadalaw ka.” Sagot naman nito.

“Para nga pala sa’yo.” Iniabot niya ang bulaklak na napakaganda ang pagkakaayos at tsokolate.

“Salamat ha. Halika! Pasok ka.” Pumasok na siya.

“Maupo ka.” Anyaya ko sa kanya at nauna ng maupo.

“Kumusta ka na nga pala?” Tanong niya pagkaupo.

“Ok lang ako Jerick. Ikaw? Kumusta ka na?”

“Pinuntahan ako ni Larry sa bahay. Ayun muntik na kaming magsapakan kung di ko lang pinigilan ang sarili ko. Alam kong wala akong karapatan na magalit dahil ako ang nagiging dahilan ng gulo.”

“Hindi ko aakalain na hahantung ang lahat sa ganito.”

“Ako nga din eh pero Kath huwag ka sanang sumuko ha. Magiging maayos din ang lahat.”

“Hindi ako susuko. Pangako iyan!”

Kinabukasan ay nagpunta na ako ng school. Last day ng intrams at may pakulo ang school na send a message to your special someone kaya dinagsa ang Student Center ng mga estudyanteng gustong magpabasa ng mga messages para sa kanilang mga nagugustuhan.

“Kath, hindi ka ba magsesend ng message kay MrCloseUp?” Tanong ni Jessa na may kasamang tukso. Hindi ko pa naikukwento sa kanya ang nangyari na natuklasan na ni Larry ang lihim na pagkagusto ko kay Jerick.

“Hindi na lang.” Matamlay kong sabi sa kanya.

“Himala yata.”

“Anong himala doon? Ikaw talaga. Tayo na nga sa gym.”

Papalabas na sana kami ng gate para pumunta sa gym ng marinig namin ang pangalan ko na tinawag ng announcer.

“Katherine Dela Cruz, kung nakikinig ka may mensahe para sa’yo si MrCloseUp.” Narinig namin na sabi nito mula sa speaker.

“Si Jerick Kath.” Nanlaki ang mga matang sambit ni Jessa.

“Personal niyang sasabihin ang kanyang mensahe para sa’yo Katherine Dela Cruz.” Nagsalita ulit ang lalaking iyon.

“Personal pa. Grabe talaga ang tama ni Jerick sa’yo.”

“Pakinggan na lang natin.”

“Para sa’yo ang kantang ito Kath:”

Sa buhay natin mayroong isang mamahalin sasambahin

Sa buhay natin mayroong isang bukod tangi sa lahat at iibigin ng tapat

Ngunit sa di sinasadyang pagkakataon At para bang ika’y nilalaro ng panahon

May ibang makikilala at sa unang pagkikita may tunay na pag-ibig na madarama

Bakit ba hindi ka nakilala nang ako’y malaya pa

At hindi ngayong ang puso ko’y may kapiling na

Bakit ba hindi ka nakilala nang ako’y nag-iisa

Sino ang iibigin? Ikaw sana

Di mo napapansin sa bawat araw na kasama mo siya kapiling ka niya

Bawat sandali punung puno ng ligaya’t saya damdamin ay iba

At di sinasadyang pagkakataon at para bang ika’y nilalaro ng panahon

Bigla kayong nagyakap mga labi niyo’y naglapat ang inyong matay nagtatanong at nangangarap

Bakit ba hindi ka nakilala nang ako’y malaya pa

At hindi ngayong ang puso ko’y may kapiling na

Bakit ba hindi ka nakilala nang ako’y nag-iisa

Sino ang iibigin? Ikaw sana

Ikaw SANA

“Mahal na mahal kita Kath. Huwag kang sumuko kakayanin natin ito!” Pagtatapos na sabi nito nang matapos na siyang kumanta.

Halos maluha ako sa kanta niya pero dahil sa madaming tao ay pinigilan ko na lang. Mahal na mahal din kita Jerick!

Nagpalakpakan ang lahat ng nakikinig.

“Ang sweet mo MrCloseUp.” Sigaw ng ilang nakarinig na estudyante.Mayron ding napapatili nung kumakanta siya.

Di nakatakas sa pandinig ni Erika ang ginawa ni Jerick kaya nainis siya ng sobra. Nakita niyang nakatayo sina Kath at Jessa malapit sa may gate kaya pinuntahan niya ang mga ito.

“Hindi talaga kayo titigil na dalawa?” Galit na sabi kaagad niya rito. Napalingon ang mga estudyanteng nasa malapit lang.

“Hoy Erika, huwag ka ngang mag-iskandalo dito?” Pagtatanggol kaagad ni Jessa kay Kath.

“Huwag ka ngang makialam Jessa. Hindi ikaw ang kausap ko.” Sasagot pa sana si Jessa pero pinigilan siya ni Kath.

“Tayo na Jessa.” Hinila niya ito. Hindi na lang niya papatulan si Erika.

“Bakit Kath? Nahihiya kang malaman ng mga schoolmate natin kung gaano ka kalandi?” Napalingon siya rito.

“Erika, I’m begging you! Don’t do this. Please!” Ayaw ni Kath na mabad record sa school.

“May natitira ka pa palang hiya akala ko wala na.”

“Kung gusto mo sa ibang lugar na lang. Di kita uurungan.”Nagtitimping sabi niya.

“Sisiguraduhin ko iyan. Kapag nagkasalubong tayo sa labas ng paaralan, hindi kita palalampasin.”

“Hindi ako natatakot sa’yo at di kita uurungan.” Sabi niya at iniwan na ito.

———————————–
Do you like this story? Please share it to others and help us spread filipinoconnect.

Umuwi si Larry ng bahay nila na hindi alam kung paano nakarating doon. Ang dami-daming gumugulo sa isip niya. Hindi siya makapaniwala na nagawa siyang lokohin ni Kath. Ang lalong hindi niya ikinapaniwala sa mga pangyayari ay bestfriend pa niya ang kasama sa panloloko nito.

“Anak, may problema ba?” Tanong ng mama niya ng makitang inihagis niya ang bag sa may bangko.

“Ma, mahal ko si Kath.” Tanging naisagot niya at yumakap sa ina.

“Mahal ka din naman ni Kath di ba?” Nagtatakang tanong ng mama niya. “Nag-away ba kayo? Anak sadyang ganyan lang talaga, minsan may mga di pagkakaintindihan.”

“Hindi naman sa di pagkakaintindihan Ma e, niloko ako ni Kath.”

“Ano? Paano ka niya niloko?” Hindi makapaniwalang tanong ng Mama niya.

“Hindi pa ako handang ilahad ang mga pangyayari. Ma, ayoko na pong makita at makausap si Kath. Please itanggi niyo po ako sakaling magpunta siya dito.”

“Pero anak… Di ba dapat mag-usap kayo at maliwanagan ang lahat?”

Biglang may kumatok kaya tumayo ang Mama niya.

“Ma, kung si Kath yan hindi pa ako handang makausap siya kaya please itanggi niyo po ako.” Tumango na lang ang Mama niya.

“Good afternoon po tita.” Hindi nga nagkamali si Larry. Si Kath nga ang bisita nila kaya nagdalawang isip ang ina kung ipagtatabuyan ba ang batang naglikha ng sugat sa puso ng anak niya.

“Good afternoon hija.” Ganting bati naman ng ginang.

“Gusto ko pong makausap si Larry.”

“Hindi pa siya handang makausap ka Kath.” Gusto sanang makialam ng ina ni Larry sa kanila pero pinabayaan na lang niya. May karapatan siyang sumbatan si Kath sa pananakit nito sa anak niya pero wala pa siyang alam sa totoong pangyayari.

“Tita, kailangan po naming mag-usap. Kailangan ko pong ipaliwanag ang lahat sa kanya. Mahalaga po sa akin si Larry. Ayoko pong maging ganito ang kahahantungan ng maganda naming samahan.”

“Kath, ano ba ang nangyari?” Yumakap si Kath sa Nanay ni Larry at napaiyak. Kampante na siya dito.

“Tita, hindi ko po sinasadyang saktan si Larry. Hindi ko lang naman po alam paano sasabihin sa kanya ang buong katotohanan ng di siya nasasaktan.”

“Paano mo niloko ang anak ko?”

“Mahal ko po si Jerick.” Diretsong sagot ni Kath na ikinasakit din ng dibdib ng kaharap. Iyon ang parating sinasabi ng anak na malaking takot niya, na si Jerick ang magiging kaagaw sa babaeng mamahalin niya. Hindi naman insecure si Larry kay Jerick. Mahal lang nito ang bestfriend niya at hindi nito matatanggap na masisira sila dahil sa isang babae.

Pihikan ang anak niya sa pagpili ng mamahalin at ngayong may natagpuan na ito ay ang bestfriend niya pa mismo ang naging kaagaw niya.

“Nagkarelasyon ba kayo ni Jerick samantalang kayo ni Larry?” Halos maluha na ang ina ni Larry. Nasasaktan siya para sa anak.

“Hindi po kami nagkaroon ng relasyon. Ayoko pong lokohin si Larry sa pagkakaroon ng ibang karelasyon habang kami pero alam po namin ni Jerick at nag-aminan po kami sa aming mga damdamin.”

“Kath sa susunod mo na lang kausapin ang anak ko. Hindi ko alam paano niya tatanggapin ito. Palamigin mo muna ang sitwasyon para makapag-usap kayo ng matiwasay at masinsinan.”

“Pero tita…”

“Kath, ako na ang nakikiusap sa’yo. Hayaan mo na muna si Larry ngayon. Sigurado akong makikinig siya sa mga paliwanag mo kung palalamigin mo muna ang sitwasyon.”

Hindi na ipinagpilitan ni Kath na kausapin siya ni Larry. Malungkot siyang umalis sa bahay nina Larry.

Nang makita ni Larry na umalis na si Kath ay dali-dali siyang nagbihis at umalis din.

“Tita, andyan po ba si Jerick?” Mahinahong tanong niya sa nanay ni Jerick.

“Oo. Andun sa kwarto niya. Puntahan mo na.”

“Salamat po!” Pumasok naman kaagad si Larry.

Kasalukuyang nakikinig si Jerick ng rock na kanta ng biglang bumukas ang pintuan ng kwarto niya.

“Pre…” Hindi na siya nakailag ng sigurin siya ng suntok ni Larry.

“Hindi ko aakalain na aahasin mo ng ganito ang girlfriend ko. Kung sana tinapat mo ako kaagad hindi sana lalalim ng ganito ang pagmamahal ko sa kanya.” Galit na sabi nito.

“Hindi ko alam paano sasabihin. Ang sa akala ko makakalimutan ko din si Kath.” Sagot niya habang nakahawak sa pisngi na dinapuan ng suntok ni Larry.

“Noong nalaman mong hindi mo pala siya kayang kalimutan bakit hindi mo ipinagtapat sa akin? Bakit kayo naglihim?”

“Dahil hindi namin alam kung paano ipagtatapat sa’yo. Maniwala ka sa akin, hindi kami nagkarelasyon ni Kath dahil ayaw niyang saktan ka. Ayaw niyang kami samantalang kayo dahil mas malaking kasalanan iyon sa’yo. Nirerespeto ka ni Kath kaya huwag ka sanang magalit sa kanya. Kahit bugbugin mo ako basta huwag mo lang saktan si Kath.”

Sa sinabi ni Jerick ay hinawakan ni Larry ang t-shirt nito at isinandal sa may dingding.

“Bakit sa lahat ng pwede kong maging kaagaw ikaw pa? Kung ibang lalaki lang sana Jerick sabog ang bungo niya pero ikaw hindi ko alam pero hindi ko kaya.” Nagtatangis ang mga ngiping sabi ni Larry.  Hindi niya ito sasaktan sa pisikal, may naiisip na siya kung paano pagbayarin ang dalawa. “Masyado kong nirerespeto ang samahan natin pero hindi mo nirespeto iyon.” Hindi pa din binibitiwan ni Larry si Jerick.

“Gusto kong bugbugin mo ako kung iyon ang makakabawas sa problemang naidulot ko sa buhay mo Pre. Kung iyon ang paraan para mapatawad mo ako.”

“Hindi ko gagawin iyon. Layuan mo na lang si Kath kung gusto mong mapatawad pa kita.”

“Pero Larry…”

“Narinig mo ako. Hindi kami maghihiwalay ni Kath. Kalimutan mo na lang siya dahil hindi ko hahayaang piliin ka niya.” Binitiwan siya nito at tumalikod na.

“Larry!” Habol niya dito pero hindi na ito nakinig. Hindi pwede.

Pagkaalis sa bahay nina Jerick ay pinuntahan ni Larry si Kath. May iba siyang plano sa sitwasyon nila.

“Larry?” Nagulat si Kath na ito ang bumibisita sa kanya.

“Mhine, magbihis ka kakain tayo sa labas.” Nakangiting sabi nito. Nagtataka siyang parang hindi ito galit sa kanya. Wala nga siyang makitang kung anumang galit sa mga mata nito.

Ano kayang nangyayari sa kanya? “Gusto ko sanang mag-usap tayo tungkol doon sa nangyari sa gym.”

“Kalimutan mo na iyon. Ipagpalagay na lang natin na walang nangyari.”

“Pero Larry… Kailangan nating pag-usapan iyon.”

“Hindi pwede at ayoko!” May galit sa mukhang sagot nito.

<Previous Page <Home> Next Page>

———————————–
Do you like this story? Please share it to others and help us spread filipinoconnect.

Dahil sa tawag na natanggap ni Larry ay nagmamasid na siya sa kilos nina Kath at Jerick. Kahit tumingin lang si Jerick sa girlfriend niya ay nabibigyan na niya ng ibang kahulugan dahil sa tawag na iyon. Sana hindi mo ako niloloko Kath dahil masasaktan ako ng labis. Minsan ay nasabi niya sa sarili habang nakatingin sa nobya.

Intrams na ng school nila. Limang araw din ang okasyon. Parating may laro sina Jerick at Larry, minsan nga ay limang beses pa sa isang araw kaya laging nagkikita silang apat. Hindi man lang nahahalata nina Jerick at Kath na nakamasid lang si Larry sa kilos nilang dalawa.

Kasalukuyang nasa gym sina Erika, Jerick, Larry at Kath ng mga panahong iyon. Dahil sa kabilang sina Jerick at Larry sa first five ay pinagpahinga muna silang dalawa ng kanilang coach sa second round.

Habang nakaupo sa may bench ay nagpaalam si Kath na pupunta ng C.R. Agad na sumunod si Jerick kay Kath. Hindi nila namalayan na sumunod din sina Larry at Erika. Sumilip lang si Larry sa hallway kung saan nakatayo si Jerick na pihadong hinihintay lang na lumabas si Kath. Nakatingin naman si Erika kay Larry sa di kalayuan.

Pagkalabas ni Kath ng C.R ay sinalubong kaagad siya ni Jerick. Nasa likod na bahagi ng court ang C.R kaya di mapapansin ng mga tao ang hallway nito.

“Hi Kath!”

“Anong ginagawa mo dito? Baka makita ka ni Larry.” Kabadong sagot kaagad ni Kath kay Jerick.

“Busy iyon sa panonood ng laro.” Kampanteng sagot nito.

“Ikaw talaga. Kahit kailan kampante ka masyado. Bumalik ka na nga doon baka mahalata nilang nawala tayong pareho.”

Bago umalis si Jerick ay kinuha muna nito ang kamay niya at hinalikan. “I love you!”

“Alis ka na nga baka ano pang isipin ng makakakita sa atin.”

“Ano namang dapat kong isipin Kath sa nakita ko?” Nagitla silang pareho ng may nagsalita sa kanilang likuran. Lumantad na si Larry sa kanilang dalawa.

“Mhine…”

“Ipaliwanag niyo ngang dalawa kung ano ang dapat kong isipin sa nakita kong paghalik mo Jerick sa kamay ng girlfriend ko.” Nagtitimpi sa galit na pahayag ni Larry.

“Mhine, mamaya na natin pag-usapan ito. May laro pa kayo.” Hinawakan ni Kath si Larry sa may braso at hinila pero matatag ito.

“Gusto kong ipaliwanag mo Jerick.” Hinarap ni Larry si Jerick. “Bestfriend kita. Pinagkakatiwalaan ko sa lahat ng bagay pero ikaw pala ang aahas sa babaeng mahal ko.”

“Larry, hindi ko sinasadya.”

“Anong hindi mo sinasadya? Noon pa man alam mo na ang damdamin ko sa kanya tapos sasabihin mong hindi mo sinasadya. Anong klaseng palusot iyan?”

“Larry, si Kath si Babe!” Sa sinabing iyon ni Jerick ay natigilan si Larry. Alam din niya kung gaano kamahal ni Jerick ang chatmate niyang iyon. Minsan ngang nasabi nito na nakilala na niya ang chatmate niyang iyon pero di niya maligawan dahil may nanliligaw na at mukhang mahal din ito ng babaeng iyon. Hindi niya inakalang siya ang tinutukoy nitong nanliligaw doon.

“Pero mali pa din ang ginagawa mo Jerick. Sana tinapat mo ako hindi iyong palihim ang ginagawa niyo.”

“Larry tama na. Baka may makapansin sa atin.”

“Bakit Kath? Ano bang kulang sa akin? Minahal naman kita ah. Naging mabuting boyfriend naman ako sa’yo. Bakit?” Si Kath naman ang hinarap nito.

“Larry, I’m sorry!”

“Sorry lang Kath? Hindi maiibsan ng sorry mo ang sakit na nararamdaman ko sa panloloko niyong dalawa.”

Hindi siya nakasagot dahil may pumalakpak sa likod nila kaya napalingon silang tatlo.

“PangFAMAS ang acting niyong tatlo ah. Bravo!” Nakangiti pang sabi ni Erika habang papalapit sa kanila. “Di ba sinabi ko na sa inyo Jerick at Kath na tigilan niyo na iyang kahibangan niyong dalawa dahil may masasagasaan kayo, di kayo nakinig eh, Hayan tuloy!” Pang-iinis na sabi ni Erika.

“Jerick, Larry… Tawag kayo ni coach.” Wala nang nakasagot sa kanila sa sinabi ni Erika dahil biglang dumating ang isang kateam mate nila.

Padabog na umalis si Larry sa harap nilang tatlo. Sumunod naman si Jerick rito. Susunod sana si Kath pero nagsalita si Erika.

“Dahil sa kalandian mo kaya nagkakagulo ang magbestfriend. Hindi ka kasi kuntento sa isa eh.”

“Nagtitimpi lang ako sa mga sinasabi mo dahil kailangan ko pang ayusin ang sa amin ni Larry pero huwag kang masyadong kampante dahil kapag ako ang bumalik sa mga pang-iinis at pang-iinsulto mo ay humanda ka. Kukunin ko sa’yo ang minsan nang naging akin!”

“Subukan mo.”

“Hindi ko susubukan kundi gagawin ko.” Tumalikod na si Kath sa nagngangalit na si Erika.

Pagkatapos ng laro ay umalis kaagad si Larry. Ni hindi na nga nito kinausap si Kath basta na lang umalis bigla.

“Kath, ihahatid na kita.” Alok ni Jerick ng makitang tumayo na si Kath sa kinauupuan.

“Huwag na Jerick. Kailangan ko pang puntahan si Larry.”

“Gusto mo samahan kita?”

“Huwag na. Ako muna ang haharap sa kanya. Umuwi ka na kasi alam kong napagod ka sa laro niyo.”

“O sige. Mahal kita Kath!”

“Mahal din kita Jerick.”

<Previous Page <Home> Next Page>

———————————–
Do you like this story? Please share it to others and help us spread filipinoconnect.

Kinagabihan ay hinatid ako ni Larry sa bahay. Hindi ko talaga naitago ang inis na nararamdaman ko kay Erika.

“Mhine, may problema ba? Kanina ko pa nahahalatang tahimik ka.” Hindi nito naiwasang mag-usisa.

“Ah wala naman. Madami lang kasi akong iniisip tungkol sa defense namin. Kailangan ko pa palang puntahan si Apple sa bahay nila, nawala na sa isip ko.” Pagkakaila ko sa tunay na dahilan.

“Ganun ba? Gusto mo samahan na kita.”

“Huwag na Mhine. Ako na lang. Umuwi ka na lang kasi alam kong pagod ka.”

“Kahit gaano pa nakakapagod ang practice kapag andyan ka nawawala lahat ng iyon.” Naglalambing na wika pa nito. “Nagpapasalamat ako at ikaw ang minahal ko. Alam kong hindi mo ako sasaktan.” Dagdag na wika pa niya at niyakap ako. “Bango talaga ng Mhine ko.” Naglolokong sabi pa nito ng maramdaman niyang tinugon ko ang yakap niya.

“Mabango naman ako parati ah.” Biro ko pa sa kanya.

“Oo nga eh kaya ang sarap mong lambingin.” Hinalikan pa niya ako. Guiltyng guilty ako sa mga paglalambing na ginagawa ni Larry dahil hindi ko matugon iyon ng buong puso.

“Puntahan ko na si Apple ha.” Kumalas ako sa halik niya.

“Ok. Payagan mong ihatid kita.”

“Ok Mhine.”

“I love you!”

“And I love you… Mhine!” Sana ikaw na lang ang pinili nitong puso ko ng wala na akong masaktan sakaling lumabas ang totoo. Tanging nasaisip ko habang nakatingin sa kanya.

Hinatid na niya ako kina Apple. Nakasalubong namin si Jerick.

“Pre!” Nag guy hand shake pa sila.

“Saan kayo pupunta?”

“Kina Apple Pre. Ihahatid ko lang si Kath.”

“Ah ganun ba. O sige pre. Kita na lang tayo sa school.” Tumalikod na ito.

Nasa likod bahay kami nina Apple ng may biglang nagpapatao po. Kinabahan ako dahil kilala ko ang boses na iyon. Kami lang dalawa ni Apple ng mga sandaling iyon sa bahay nila.

“Kath, gusto ka daw niyang makausap.” Saad ni Apple ng makabalik na ito kaya napatingala ako. Nakita ko ang nakangiting si Jerick.

“Bakit?” Tanong ko kaagad na nakakunot ang noo.

“Pol, usap muna kami.” Nakuha ni Apple ang ibig niyang sabihin kaya tumalikod na ito.

“Anong kailangan mo?” Tanong ko ulit sa kanya. Sa halip na sumagot ay sinugod niya ako ng yakap.

“I miss you Kath.”

“Jerick sandali.” Kumalas ako ng yakap sa kanya. “Di ba nag-usap na tayo?”

“Oo pero hindi ko kayang ganito tayo. Sabihin na natin kay Larry na ako ang mahal mo at hindi siya. Mas masasaktan si Larry kapag pinatagal mo pa ang relasyon ninyo na sa simula pa lang ay wala ka ng damdamin sa kanya.”

“Jerick, pwede ba. Huwag mong pangunahan ang desisyon ko. Mahal ako ni Larry. Ayokong saktan siya.”

“Sa tingin mo ba hindi siya masasaktan kapag nalaman niyang niloloko mo lang siya?”

“Hindi ko siya niloloko.”

“Ano ang tawag mo na magkarelasyon nga kayo pero iba naman ang iniisip at gusto mong makasama?”

“Hindi iyon panloloko ok? Tinutugon ko lang ang damdamin niya.”

“Paano mo tinutugon kung iba ang tinitibok ng puso mo?”

“Tama na Jerick. Pwede ba lubayan mo na ako.”

“Ako ang mahal mo Kath. Lubayan man kita hindi ka pa din lulubayan ng damdamin mo sa akin.”

“Alam ko pero ito ang makakabuti sa sitwasyon natin.” Hindi ko na napigilang bumagsak ang mga luha ko.

“Mahal na mahal kita Kath.” Pinahid niya ang mga luha na nasa pisngi ko.

“Mahal na mahal din kita Jerick pero mali eh.” Niyakap ko na siya.

Nasa ganuong posisyon kami ng biglang pumasok si Erika. Bukas ang main door nina Apple kaya siguro pumasok na ito ng walang sumagot sa pagpapatao po nito.

“Mga walang-hiya talaga kayo. Sinasabi ko na nga bang may kakaibang nangyayari sa inyo.” Sinugod niya kami at naging maagap si Jerick sa pagtakip sa akin. Sinalubong niya ang nagwawalang si Erika.

“Erika, ano ba? Tama na!” Hinawakan niya ang dalawang kamay nito.

“Di ba nag-usap na tayo Kath? Napakalandi mo talaga. May boyfriend ka pero nakikipagkita ka pa rin ng palihim sa lalaking may karelasyon na din.” Pilit siyang kumakawala sa mga hawak ni Jerick. “At ikaw naman Jerick, bestfriend mo ang boyfriend niya pero di mo man lang nirespeto iyon. Kahit si Larry na lang ang nirespeto niyo pero hindi dahil wala kayong mga puso.”

“Hindi totoo iyan Erika. Kung wala akong puso eh di sana matagal ng may ugnayan kami ni Jerick pero nirespeto ko ang sitwasyon niya at ang sitwasyon ko. Kung tutuusin bakit hindi di ba? Pwede naman ng palihim pero hindi ko ginawa dahil alam kong may matatapakan kami.”

“Huwag kang magmalinis Kath. Alam kong matagal niyo ng ginagawa ang palihim na pagtatagpong ito.”

“Erika, ano ba? Magtigil ka nga. Kung hindi mo ginawa ang mga ginagawa mong pagsama sa iba’t ibang lalaki hindi ko ilalabas ang damdamin ko kay Kath.”

“So kasalanan ko pang mahal mo siya?” Mas lalo itong nanggalaiti sa galit.

“Unti-unti na naman sana kitang minamahal pero bigla kang nagbago.”

“Dahil sa kagagawan mo din doon sa Timuga. Huwag kayong umasa na hindi ko ito sasabihin kay Larry.” Tumalikod na ito at tuluy-tuloy na lumabas sa bahay nina Apple.

“Sabi ko naman sa’yo Jerick eh.”

“I’m sorry Kath. Tama lang siguro na sabihin niya ng maharap na natin si Larry. Huwag kang mag-alala kasama mo ako, hindi kita iiwan.”

“Pero alam kong masasaktan si Larry. Ayokong masaktan siya. Mahalaga siya sa akin.”

“Alam ko ding masasaktan siya Kath pero mali din na patuloy siyang umaasa sa’yo.”

Dahil sa galit ni Erika ay pinatinawagan niya si Larry.

“Bong, tawagan mo naman ito o.” May binigay siya na number sa kasama nila sa bahay. “Ito ang sabihin mo tapos ibaba mo kaagad ‘pag nasabi mo na.” Inabot niya ang isang papel rito. Sumunod naman kaagad ang inutusan.

Kasalukuyang nanunuod ng tv si Larry ng biglang tumunog ang cellphone niya.

“Hello!”

“Huwag kang magtitiwala sa girlfriend at bestfriend mo. Ikaw din baka naiisahan ka na!” Narinig niyang sabi nito.

“Sino ito? Hello! Hello!” Pero ibinaba na ng kausap ang telepono.

Ano kayang ibig niyang sabihin? Natanong niya sa sarili.

<Previous Page <Home> Next Page>

———————————–
Do you like this story? Please share it to others and help us spread filipinoconnect.

“Sino iyang nagtext Mhine?” Tanong ni Larry ng mapansin niyang napatitig ako sa text na iyon.

“Ay wala naman. Quotes lang. Alam mo na.” Sagot ko naman sa kanya.

“Ah ok. Sige. Halika na!” Inalalayan pa niya akong tumayo ng tuluyan.

“Pre, uwi na kami ni Kath.” Sabi ni Larry kay Jerick ng makasalubong namin sila ni Erika.

“Bakit naman Kath? Samahan niyo na muna kami ni Jerick. Matagal ding hindi tayo nagkasama.” Si Erika ang sumalo sa sinabing iyon ni Larry.

“Madami pa kasi akong gagawin e.” Tanging naisagot ko sa kanya.

“Maaga pa naman e. Dito muna tayo.” Pamimilit ni Erika na samahan namin sila.

“Erika, may gagawin daw si Kath hindi ka ba nakikinig?” Sumagot na si Jerick.

“Ok lang pare. Tama naman si Erika e matagal na tayong hindi nagkakasama. Dito muna tayo Mhine ha?”

Nadismaya ako sa sinabing iyon ni Larry. Hindi ko naman pwedeng iinsist dahil baka mahalata nila na iniiwasan ko si Jerick. Alam ni Larry na wala naman talaga akong gagawin sa bahay kaya di ako makahanap ng ibang palusot.

Hilaw na ngiti ang parati kong ibinibigay sa kanila habang nagkukwentuhan kami. Inis na inis talaga ako sa tuwing nagsasalita si Erika dahil patama ang lahat ng iyon sa sitwasyon namin ni Jerick.

Isang milyong pasasalamat ang ibinigay ko sa itaas ng magpasyang umuwi si Larry. Nakahinga ako ng maluwag at nabunutan ng tinik sa dibdib.

“Anak, may tawag ka?” Sabi sa akin ng mama ko ng nasa sariling silid na ako.

“Sino naman po mang?” Tanong ko habang mabilis na bumangon at isinuot kaagad ang tsinelas pambahay ko.

“Hindi sinabi. Lalaki e!” Sagot naman ng mama ko at inabot ko na ang telepono.

“Hello!”

“Hi Kath! Kumusta ka na?”

“Jerick?” Gulat na nasabi ko ng marinig ang nasa kabilang linya.

“Oo Kath. Ako nga. Magsosorry lang sana ako sa inasal ni Erika kanina. Ikaw na sana ang umintindi sa kanya. Nagseselos lang kasi siya sa’yo e.”

“Ah iyon ba. Ok lang iyon. Walang problema sa’kin.”

“Kumusta ka na nga pala?”

“Ok lang ako. Ikaw?”

“Hindi masyadong ok. Namimiss na kitang makasama ng sarilinan.”

“Alam mo namang hindi pwede di ba?”

“Eh kung pumunta ka kaya kina Apple at pupunta din ako doon?”

“Huwag na Jerick. Mali e. Sorry!”

Napabuntung-hininga siya sa sinabi ko. Totoo naman ang sabi ko na mali ang gagawin namin.

“Gusto din naman kitang makasama pero hindi ko alam paano na walang masasagasaan.”

“Oo nga eh. Bakit kasi napakacomplicated pa ng sitwasyon natin? Bakit di na lang naging libre ka at libre din ako, kung ganun siguro ipagsisigawan kong mahal na mahal kita Katherine.”

“Kung naging ganun ang sitwasyon natin, ipagsisigawan ko din na mahal na mahal kita Jerick.”

Napabuntung-hininga na naman ito. “Sarap siguro ng pakiramdam kapag dumating ang panahong iyan.”

“Ako na siguro ang pinakamasayang babae sa buong mundo kung dumating ang araw iyan.”

“Mahal na mahal kita Kath.”

“Mahal na mahal din kita Jerick.”

Hindi ko alam paano kami nagpaalam sa isa’t isa. Nahagilap ko na lang ang sarili na nakatunganga habang isunusulat sa notebook ko ang pangalang ‘Jerick Solis’.

Malapit na ang intrams ng school kaya puspusan na ang practice nina Larry. Madalas na sinasamahan ko siya sa practice nila kaya nagpapang-abot kami nina Jerick at Erika.

“Kath, kumusta naman kayo ni Jerick?” Tanong ni Erika sa akin ng nasa may bench kami habang nanunuod sa kanila ni Larry.

“Anong klaseng tanong iyan Erika?” Tanong na sagot ko sa kanya.

“Kath naman. Huwag na tayong maglokohan pa. Alam kong may nangyayaring kakaiba sa inyo.”

“Walang nangyayaring kakaiba sa amin Erika. Madumi lang ang isip mo. Tsaka hinding hindi ko sasaktan si Larry.”

“Eh paano kung malaman ni Larry na may ibang mahal ang girlfriend niya sa tingin mo hindi siya masasaktan kahit iyon lang?”

“Erika, nakikiusap ako sa’yo. Huwag mo namang gawin iyan. Hindi ko mahal ang boyfriend mo at kailanman hindi ko siya minahal.”

“Really Kath?”

“Iyan ang totoo. Maniwala ka man o hindi.”

“Sige. Ipagpalagay nating naniniwala ako. Kapag nakita kong lumapit na naman kayo sa isa’t isa hindi ako magdadalawang isip na sabihin kay Larry ang kahibangan niyong dalawa. Maliwanag ba Kath?” May pang-iinis pa sa boses ni Erika.

Hindi na ako sumagot bagkus ay pumunta ako ng C.R at inilabas doon ang lahat ng sama ng loob ko. Makikita mo Erika, makakabawi din ako sa mga pang-iinis mo sa akin. Tanging nasabi ko sa sarili habang nakatingin sa salamin.

<Previous Page <Home> Next Page>

———————————–
Do you like this story? Please share it to others and help us spread filipinoconnect.

Nang sumunod na araw ay parang wala lang pero sa kaloob looban ko ay napakasaya ko. Hindi ko inakalang napahiwatig ko din kay Jerick ang pagmamahal ko ng di natatakot na baka may makakita o may makahalata. Parang nakalutang ang isip at ang diwa ko.

“Hoy, nasaan iyong folder na pinahawakan ko sa’yo?” Nagising ako ng bahagya akong sigawan ni Jessa.

“Heto o. Bulag to.” Naiinis kong sagot sa kanya.

“Ano naman kasi ang iniisip mo at para kang ewan dyan?”

“He loves me.”

“What? Talaga?”

“Oo. Matagal na niyang inamin pero hindi ko binigyang halaga.”

“Kayo na ba?”

“Hindi pwede e. Alam mo namang napakabait ni Larry at tsaka sila pa ni Erika.”

“So, anong plano niyo?”

“Tulad noong dati. Parang hindi magkakilala.”

“Makakaya niyo kaya?”

“Kakayanin.”

Papunta kami ng canteen ng makasalubong namin si Jerick. Tulad noong dati parang hindi kami magkakilala. Napatingin na lang ng makahulugan si Jessa sa akin.

Habang kumakain kami sa canteen ay nagulat ako. Nakita kong papasok si Jerick at kasama niya si Erika. Ang mas nakakagulat ay magkahawak kamay ang dalawa.

Halos maiyak ako sa harap ng lahat sa nakita ko. Mukhang nagkaayos na sila. Napakasakit ng dibdib ko kaya niyaya ko si Jessa na umalis na kami doon. Wala si Larry ng mga panahong iyon dahil may klase siya.

“Ok ka lang ba?”

“Parang ok na sila. Ang sakit Jessa. Bakit?”

“Kath, alam mo namang sila pa rin di ba? Hindi maiiwasan mabalik ang dati nilang sweetness.”

“Pero sabi niya mahal niya ako. Bakit siya nakipagbalikan?”

“Ewan ko. Hindi ko alam anong isasagot ko sa’yo.”

“Kalimutan mo na lang siya. Iyon ang nararapat.”

“Simula ngayon. Hindi ko na babanggitin ang pangalang Jerick Solis. Peksman!” Sabi ko kay Jessa. habang pinapahid ang nangingilid kong mga luha.

“Halika! Punta tayo ng internet lab madaming bakante e.”

“Ok.” Sumang-ayon na lang ako sa kanya.

Hindi na ako masyadong nag-iinternet simula nung makilala ko si Jerick. Parang nawalan ako ng gana. Parang nasasaktan ako sa tuwing may nakakausap ako at naaalala ko si Jerick.

Habang online ako ay may nakipagchat sa akin.

• Loving_You: Hello, care to chat? Nasl please
• HopelessRomantic: Sure. Katherine, 18f Cagayan. U? nasl please.
• Loving_You: No need to.
• HopelessRomantic: What do you mean?
• Loving_You: Ako ito Kath. Si Jerick.

Sa sinabi niya ay nagpalingon-lingon ako. Hinanap ko siya sa lab pero wala siya kaya napagtanto kong baka sa labas siya ng school nag iinternet.

• HopelessRomantic: I need to go. Bye!
• Loving_You: Bakit? Iiwasan mo ko?
• HopelessRomantic: Jerick pinapagulo at pinapalabo mo ang sitwasyon. Ano ba talaga tayo?

Natutop ko ang bibig ko sa tinype ko. Hindi ko dapat tinanong sa kanya iyon. Mali ang tanong na iyon. Wala akong karapatan. Hindi dapat!

• Loving_You: Pakinggan mo muna ang paliwanag ko Kath. Alam kong nakita mo kami sa canteen. Nakita din naman kita.
• HopelessRomantic: Para saan naman? Jerick girlfriend mo iyon. Karapatan niyong maging sweet or unsweet sa harap ng maraming tao. Sige na.
• Loving_You: Kaya mo bang iwasan ako? Kahit sa chat lang tayo mag-usap ok na sakin.
• HopelessRomantic: Jerick naman e. Alam mo namang hindi pwede di ba?
• Loving_You: Pwede Kath kung gugustuhin mo.
• HopelessRomantic: Pero Jerick, nasasaktan akong nakikita kayo. Nasasaktan akong… KAYO.
• Loving_You: Darating din ang panahon na magiging tayo din. Hintayin lang natin ang right time. Hinihiling ko lang sa’yo please. Huwag mo naman akong iwasan o.
• HopelessRomantic: Ewan ko Jerick. Ayokong makisawsaw sa gulo niyo. Sige bye.

Hindi ko na hinintay na mareceive ang message niya. Pinatay ko ang computer kaagad. Kahit masama iyon sa computer ay ginawa ko. Kahit pa hindi pwedeng gawin namin iyon ay ginawa ko.

Nagpaalam ako kay Jessa na uuwi na. Nagtext din si Larry na nasa may gate na siya kaya ginandahan ko ang mood ko.

“Mhine, snack muna tayo bago umuwi.” Anyaya sa akin ni Larry ng lapitan ko na siya.

“Ok Mhine.”

Habang nasa isang maliit na tindahan kami ay nakita naming papalapit sina Jerick at Erika na sweet na sweet. Halos maiyak ako sa harap nila.

“Mhine, uwi na tayo.” Anyaya ko kay Larry para iwasan ang dalawa.

“Sige.” Tumayo na ito. Bago pa man ako tuluyang nakatayo ay may nagtext sa cell ko.

‘A4m m4g i4w l4g a3g m5l k2o. I l4e y3u.’ (Alam mong ikaw lang ang mahal ko. I love you.)

<Previous Page <Home> Next Page>

———————————–

Do you like this story? Please share it to others and help us spread filipinoconnect.

“Paano ka nakapasok?” Kunot pa din ang aking noo na nagtanong sa kanya.

“Pinapasok ako ni Apple?”

“Magkakilala kayo ni Apple?”

“Oo. Magkapitbahay kami. Dyan lang ang bahay namin.” Ngumuso pa siya sa isang direksyon.

“Magkukwentuhan sana kami ngayon pero sinabi niya na may group study daw kayo kaya sa susunod na lang.”

“E bakit hindi ka pa umuwi?”

“Nalaman ko kasi na nandito ka kaya hinintay kitang lumabas para makapag-usap tayo. Halika! Maupo tayo.” Iginiya pa niya ako sa likod bahay nina Apple. Bago pa siya umupo ay pinatay niya ang ilaw. Ang nagsisilbing ilaw lang sa amin ay ang ilaw ng mga kapitbahay.

“Anong pag-uusapan natin? Tsaka bakit mo pinatay ang ilaw? Baka maghinala ang mga kasama ko.”

“Si Apple na ang bahala sa kanila. Ayaw mo ng ganito. Romantic ang dating.” Payakap siyang umakbay sa akin pero lumayo ako.

“Jerick hindi pwede. Sorry!” Tatayo na sana ako pero naging maagap siya sa paghablot sa akin kaya napakandong ako sa kanya. Tumayo kaagad ako dahil sa kaba. Hindi maaari! Pilit kong tinatatagan ang sarili. Konti na lang talaga madadala na ako nito.

Tumayo din siya. “Mahal kita Kath.”

“Jerick, di ba nag-usap na tayo?”

“Oo. Pero hindi ko kaya Kath.”

“Madami tayong masasaktan kapag tinugon ko ang damdamin mo kaya kalimutan mo na lang ako.” Hindi siya sumagot bagkus ay niyakap niya ako. Alam kong ramdam niya ang mabilis na pagtibok ng puso ko dahil ramdam na ramdam ko ang pintig ng puso niya.

“Nararamdaman kong mahal mo ako. Alam kong nilalabanan mo lang ang damdamin mo sa akin dahil kay Larry.”

“Hindi ka ba naguiguilty? Matalik mong kaibigan ang masasaktan kung sakaling maging tayo.”

“Itatago naman natin ang relasyon natin tapos umaasa ako na tadhana na lang ang gagawa ng paraan para magkahiwalay kayo para malantad na natin ang relasyon natin.”

“Pero Jerick, napakabuti ni Larry. Ni minsan hindi niya ako sinaktan, hindi niya ako pinaglaruan at naging totoo siya sa damdamin niya sa akin simula ng makilala ko siya.”

“Kath, maniwala ka sa akin binalikan kita noong araw na nagkakilala tayo ng personal pero nakita ko kayo ni Larry kaya naisip kong baka siya ang nagustuhan mo kaya nagpaubaya na lang ako. Nakita kong napakasaya niyong nagkukwentuhan sa may canteen.”

“Hindi mo man lang kami nilapitan? O kaya naman tinanong mo ako kung ano ang damdamin ko? Pero hindi dahil nag-assume ka. Ganyan naman kayong mga lalaki. Masyadong assuming. Tingin niyo alam niyo na ang damdamin naming mga babae isang tingin niyo lang. Akala niyo nasusukat niyo ang damdamin namin sa isang sipat lang.”

“Patawarin mo sana ako Kath, naging duwag kasi ako e. Natatakot lang ako na baka wala kang damdamin sa akin kaya minabuti ko na lang na lumayo.”

“Walang patutunguhan ang usapang ito.” Tatalikod na sana ako pero hinablot niya. Uminog ng husto ang mundo ko sa ginawa niya. Sinalubong niya ako ng halik. He kissed me so gently and passionately. Na kahit anong tutol ng isip ko sa damdamin ko ay wala itong nagawa. Tinugon ko iyon. Sana may bumatok sa akin para matauhan ako dahil nasa spell ako ng mga halik ni Jerick.

I love you Jerick! Patuloy na sigaw ng isip ko habang hinahalikan niya. Tumigil siya.

“Really?” Tanong niya kaya natutop ko ang bibig ko. Nailabas ko ba iyon? Akala ko sinabi lang iyon ng isip ko.

“Kath, sabihin mo ulit. Gusto kong marinig.” Pagpapatuloy niyang sabi.

“Wala naman akong sinabi ah.” Tanggi ko.

“Meron Kath e. Narinig ko. Dinig na dinig ko. Sabihin mo ulit sa akin, please!” Tinitigan niya ako kaya napayuko ako. Hindi ko kayang salubungin ang mga titig niya kahit pa hindi ganun kalantad dahil madilim-dilim.

“Kath mahal na mahal kita. Sabihin mo naman sa akin ang damdamin mo, nagmamakaawa ako.”

“Wala akong sinabi ok? Baka naman kasi iyon ang gusto mong marinig kaya hayun akala mo sinabi ko.”

“Hindi Kath. Alam kong sinabi mo iyon.” Hinawakan niya ang mukha ko ng dalawang kamay niya at walang sabi-sabing ay hinalikan na naman niya ako. Napayakap na ako sa kanya. Tuluyan ko nang tinanggal ang harang na inilagay ko para sa totoong damdamin ko sa kanya.

Hindi ko alam pero mas nagustuhan ko ang mga halik ni Jerick. Ibang iba ito kay Larry. Siguro dahil mahal ko si Jerick kaya ganun.

Ilang segundo pa ay tumigil na kami sa paghahalikan at niyakap ang isa’t isa. “Mahal kita Kath.”

“Mahal din kita Jerick.”

“Malinaw na talaga na narinig kong sinabi mo iyon.” Mabilis niyang kumalas ng yakap sa akin at hinawakan niya ako sa balikat.

“Dahil sinabi ko naman talaga iyon e.” Nakangiti kong sagot sa naguguluhan niyang mukha.

“Talaga?”

“Oo. Mahal kita Jerick kaya lang ayokong magkarelasyon tayo kahit pa palihim hindi pwede.”

“Bakit?”

“Dahil mali. Alam mo at alam ko na mali ang gagawin natin. Darating ang araw na ang tadhana na ang gagawa ng paraan para maging tayo kaya iyon ang hihintayin ko.”

“Nirerespeto ko ang kagustuhan mo Kath. Salamat at mahal mo din ako.”

Hindi kami natulog ni Jerick. Buong magdamag na dinama namin ang saya at ang kalayaan ng aming mga nararamdaman. Alam namin na kinabukasan ay babalik na naman kami sa pagtitikis nito sa harap ng lahat lalo na sa harap ni Larry.

<Previous Page <Home> Next Page>

———————————–

Do you like this story? Please share it to others and help us spread filipinoconnect.

“Hi Kath!” Bati niya sa akin.

“Hello.” Ganting bati ko naman sa kanya.

“Heto po ang bayad. Pati din po ito.” Tinuro pa niya ang tray ko habang iniaabot ang pera sa kasera.

“Naku huwag na Jerick. Ako na ang magbabayad.”

“Kahit ito lang. Please!”

“Huwag na talaga. May pera naman…” Hindi ko naituloy ang aking sasabihin dahil dumating si Erika.

“O kumusta ka na Kath? Kumusta na Hon?” Masayang wika pa nito.

“Hi Erika. Ok lang ako.” Bumati ako sa kanya kahit hindi ako komportable. Ni hindi man lang sumagot si Jerick.

“Sabay naman ako sa inyo o.”

“Hindi naman kami magkasama.”

“Ah ganun ba. E di sabay na lang tayong tatlo. Hon, sabay na tayong tatlo ha. Nagugutom na kasi ako.”

“Ok.” Matamlay na sabi ni Jerick at bumili na ng mga pagkain na gusto ni Erika. Nasasaktan na naman ako sa nakikita ko dahil kahit hindi sabihin ni Erika anong gusto niya, alam na alam ni Jerick.

Ayoko sanang sumabay sa kanila pero nagpumilit ng husto si Erika kaya pinagbigyan ko na lang.

Habang kumakain kami ay panay ang kwento ni Erika, kami naman ni Jerick ay nagsusulyapan lang.

“Alam mo Kath, kung mahumaling sa ibang babae itong si Jerick kawawa lang siya dahil hindi magiging sila ng babaeng iyon.” Natigilan ako sa sinabi niya. “Never kong ibibigay ang kalayaan na hinihingi niya para maging sila ng babaeng iyon no.”

“Erika, ano ba iyang pinagsasabi mo?”

“Bakit hon, ayaw mong sabihin kay Kath ang sekreto mo?” Galit na nagkatitigan sila ng makahulugan.

“Wala naman sigurong ibang mahal si Jerick. Bakit naman siya maghahanap ng iba?”

“Ewan ko sa kanya. Hindi kuntento sa akin e.”

“Erika, ano ba?”

“Bakit Jerick? Ayaw mong sabihin natin kay Kath kung bakit tayo nagkalabuan o baka gusto mong kay Larry tayo magtapat?”

“Erika, ano bang gusto mong palabasin?” Sumabat na ako sa kanila.

“Bakit Kath? Hindi mo alam?”

“Tama na Erika. Huwag mo namang guluhin sila ni Larry.” Bumaling siya sa akin.

“Kung ayaw mong guluhin ko kayo ni Larry. Layuan mo ang boyfriend ko.” Pagtatapos nito at tumayo na.

Nakaalis na si Erika pero hindi pa rin kami natinag ni Jerick sa kinauupuan. Kahit may tension sa aming tatlo ay hindi naman ganun kalakas ang mga boses namin kaya parang nag-uusap lang kami ng kaswal. Hindi naghinala ang ibang mga estudyante.

Nang mahimasmasan sa pagkagulat ay tumayo na ako. Hindi naman ako pinigilan ni Jerick.

Patakbo akong lumabas ng canteen patungo sa CR. Nanduon pala ang kaibigan ko na si Apple.

“Kath may problema ka ba?” Tanong niya sa akin ng makita niyang pumatak ang mga luha ko. Hindi na ako nahiyang umiyak kahit nanduon siya.

“Wala naman Apple.”

“Anong wala e umiiyak ka?”

“Huwag mo na akong pansinin.”

“O sige. Maiwan na kita. Kita na lang tayo mamaya sa bahay para sa group study ng thesis ha.”

“Ok.”

Lumabas na siya ng CR.

Jerick’s Side:

Naiinis na naman ako kay Erika. Gusto talaga nitong gumawa ng gulo. Tatayo na sana ako ng makita ko ang kapitbahay namin na si Apple. Lumapit siya sa mesang kinaroroonan ko.

“Anong problema? Bakit tulala ka dyan? Pati si Babe umiiyak din.” Sabi kaagad nito.

“Si Erika. Nalaman kasi niya na may damdamin pa rin ako kay Kath. Binantaan niya si Kath na sasabihin kay Larry ang damdamin ko sa kanya.” Alam na alam ni Apple ang lahat ng tungkol kay Kath at ang pagkagusto ko sa kanya. Kahit magkarelasyon na kami ni Erika ay siya ang naging sumbungan ko sa tuwing nasasaktan akong nakikita si Kath na masaya sa piling ng iba.

“Maldita talaga. Anong balak mo?”

“Hindi ko alam e.”

“Tandaan mo lang Jerick na nandito lang ako. Susuportahan ko kayong dalawa ni Kath. Dahil alam kong mahal na mahal mo siya at nakikita kong may damdamin din si Kath sa’yo. Kung gusto mo pumunta ka sa bahay mamayang gabi.”

“Bakit anong meron?”

“Kwentuhan lang naman tayo. Tulad ng parati nating ginagawa.”

“O sige. Punta ako mamaya sa bahay niyo.”

Kinagabihan ay nagpunta na sa bahay nina Apple sina Kath at mga kasama nila sa Thesis. Hindi sumama si Larry kay Kath dahil school project iyon kaya kahit gusto niyang sumama ay hindi na lang niya ginawa.

Sinimulan kaagad nina Kath ang brainstorming at ang pagsusulat ng mga idea. Pati din kung ano ang mga dapat iresearch ay inihanay na nila sa isang papel para kapag nagpunta na sila sa internet ay hindi na mag-iisip pa ng kung ano ang dapat iresearch.

Natapos na silang lahat kaya isa-isa nang pumwesto sa kwartong ibinigay ng nanay ni Apple sa kanila.

Nakahiga na sila ng may narinig na kumatok. Lumabas kaagad si Apple. Ilang sandali pa’y bumalik na ito. Wala namang nagtanong ni isa sa kanila kung sino iyong dumating.

“Apple, iinom ako ah.” Paalam ni Kath dahil nauuhaw siya.

“Ok. Kuha ka lang sa may ref.” Isasara na sana ni Kath ang pinto ng magpahabol ito. “Nakalimutan ko pala, pakioff naman ang ilaw sa may likod bahay.”

“Ok.”

Nagpunta na siya sa kusina at kumuha ng isang basong tubig. Nang hanapin na niya ang switch ng ilaw ay halos himatayin siya sa mukhang tumambad sa harap niya.

“Anong ginagawa mo dito?” Kahit alam niyang namumutla siya sa takot ay iyon ang natanong niya.

<Previous Page <Home> Next Page>

———————————–

Do you like this story? Please share it to others and help us spread filipinoconnect.

Dahil sa kagustuhan ni Jerick na malaman ang damdamin ni Kath para sa kanya ay binalak niya na puntahan ito sa bahay nila. Sinuguro muna niya na hindi pupunta si Larry doon.

“O pare, kumusta?” Tinawagan niya ang kaibigan sa telepono.

“Wala lang. Naiinis lang ako kay Erika.”

“Bakit na naman?”

“Ayaw niya akong hiwalayan. Ayaw daw niyang maging libre ako.”

“Ha? Ano namang motibo niya? Kung hindi ka na niya mahal at kung hindi na kayo masaya sa isa’t isa bakit hindi na niya tapusin ang relasyon ninyo?”

“Iyon ang hindi ko maintindihan sa kanya.” Pagsisinungaling ko sa kanya. “Naiinggit talaga ako sa inyo ni Kath.”

“Kasi totoo ang pagmamahal namin ang isa’t isa kaya ganun. Kagagaling ko nga lang sa bahay nila pero heto namimiss ko na kaagad.” Nasiyahan ako sa sinabi niya. Ibig sabihin malabong magpunta siya ngayon sa bahay nina Kath dahil kauuwi lang niya.

“Minalas yata ako pare sa napiling babae.”

“Hindi naman. Sadyang minsan nagbabago lang talaga ang damdamin ng tao. Suyuin mo na lang para bumalik na ang dating pagmamahalan ninyo.”

“Ewan ko ba. Hindi ko na yata kayang maging tanga.”

Pagkatapos naming mag-usap ni Larry ay pumunta kaagad ako sa bahay nina Kath.

“Anong atin?” Tanong sa akin ng isang medyo may edad na, na babae. Tingin ko nanay siya ni Kath.

“Nandyan po ba si Katherine?” Malumanay kong tanong rito.

“Oo. Sandali! Tatawagin ko. Halika. Pasok ka.”

“Anak, may bisita ka.” Narinig kong sabi nito habang kumakatok sa kwarto ni Kath.

“Andyan po ba si Larry?” Narinig kong tanong ni Kath na nasa loob ng kwarto.

“Hindi si Larry. Hindi ko kilala e.” Narinig kong bumukas na ang pinto. Maya-maya pay nakita kong nagulat siyang humarap sa akin pero hindi niya ipinahalata dahil siguro nandyan ang nanay niya.

“Maiwan ko muna kayo.” At tumalikod na ang nanay niya.

“Anong ginagawa mo dito?” Gulat na tanong kaagad niya sa akin.

“Gusto kong makausap ka.” Seryoso ang mukhang sagot ko sa kanya.

“Bakit naman? Hindi pa ba sapat sa’yo na pinaglaruan mo ako sa telepono.”

“Hindi iyon paglalaro Kath at hindi iyon biro.”

“Halika nga sa labas. Baka marinig pa tayo ng mga magulang ko.” Nauna na siyang lumabas at sumunod kaagad ako.

“Jerick naman. Alam mo namang may boyfriend na ako di ba? Huwag mo naman akong pahirapan.”

“Kung nahihirapan ka, ibig sabihin mahal mo din ako.”

“Hindi ko sinabi iyan.”

“Pero iyon ang nabasa ko sa gitna ng mga linyang kasasabi mo lang.”

“Huwag mo ngang gamitin sa akin ang pagiging matalinghaga mo. Sa tingin mo madadala mo ako sa ganun.”

“Kath I love you. Kahit gawin pa nating lihim ang relasyon natin makukontento na ako.”

“Jerick ano ba? Gagawin mo pa akong two-timer.”

“Mahal kita Kath. Gusto ko ding maramdaman kung paano ang mahalin mo. Kung sana’y ako na lang… Please!”

“Hindi mo ba ako mahal Kath?”

Kath’s Side:

Gusto na talagang bumigay ng puso ko sa mga sinasabi ni Jerick. Mahal na mahal din naman kita Jerick pero nirerespeto ko ang sarili ko bilang babae. Ni minsan hindi ko inisip na may pagsasabayin akong mga lalaki sa buhay ko. Lalong hindi ko inisip na magbestfriend pa ang mga iyon. Kailangang manindigan ako. Hindi dapat ang hinihiling mo Jerick.

“Sorry Jerick. Pero mahal ko talaga si Larry at ayokong mawasak ang relasyon namin. Hindi ko kakayanin.” Ang sakit ng dibdib ko sa sinabi ko sa kanya. Alam kong nasasaktan ko ang lalaking mahal ko. Bakit kasi ngayon pa niya sinabi ito? Kung noon sana ay ipinagtapat na niya sa akin di sana ay maligaya na kami ngayon.

“Kahit konti ba Kath, wala?”

“Wala talaga e. Kaya kung pwede umalis ka na at huwag mo na akong puntahan dito sa bahay namin baka maabutan ka ni Larry magalit iyon. Ayaw na ayaw kong nagagalit siya.”

“Sige. Kung iyan ang kagustuhan mo Kath. Salamat at hinarap mo pa rin ako ngayon. Tandaan mo sanang mahal na mahal kita.”

“Salamat… Sige!”

Hindi ko na siya hinatid palabas ng bahay namin. Patakbo akong pumasok papunta sa kwarto ko. Mabigat na mabigat ang dibdib ko.

“Mahal na mahal kita Jerick. Ikaw lang at wala nang iba pa.” Habang nakadapa ako sa kama ko ay patuloy ang pagdaloy ng mga luha ko.

“Bakit ngayon pa? Bakit ngayon pang karelasyon ko na si Larry? Bakit ngayon pang may ibang tao nang masasaktan? Bakit?” Hindi ko talaga kayang pigilan ang pag-uunahang maglabasan ng mga luha sa mga mata ko.

“Mahal kita Jerick. Patawarin mo sana ako kung duwag akong ipaglaban iyon. Patawad. Patawad.” Nakatulugan ko na ang pag-iyak.

Nang sumunod na araw ay nakita kong magkasama sina Larry at Jerick. Iiwas sana ako pero naunahan niya ako. Nakita kong umiwas kaagad siya ng makita niya akong palapit. Kung wala siguro si Larry ay bumagsak na naman ang mga luha ko. Pero dahil kaharap ko si Larry ay kailangan kong maging masaya. Kailangan kong ipakita sa kanya na masigla ako.

“Mhine, kumusta na? Bakit parang mugto ang mga mata mo? Umiyak ka ba kagabi?” Kahit anong lagay ko ng ice ay hindi talaga nakatakas sa mga mata niya.

“Iyong teleserye kasi nadala ako ng husto kaya hayun di ko napigilang mag-iiiyak.” Pagsisinungaling ko sa kanya.

“Ikaw talaga Mhine. Acting lang iyon.”

“Kahit acting nadala talaga ako.” Natawa siya sa akin at hinaplos pa niya ang pisngi ko.

“Ganda talaga ng Mhine ko. Masaya akong, ako lang ang mahal mo Mhine.” Tinamaan ako sa sinabi niya dahil kung alam lang niya ewan ko kung masasabi pa ba niya ang ganun. Ngumiti lang ako sa kanya. Sobra akong nagiguilty kapag sinasabi ni Larry ang mga ganung bagay.

May klase si Larry kaya hinintay ko siya sa may canteen. Break time kaya madami-daming estudyante. Kumukuha ako ng pagkain ng may makabunggo akong tray.

“Sorry…” Hindi ko naituloy ang aking sasabihin ng makita ko kung kanino ang tray na iyon. Ngumiti siya sa akin.

<Previous Page <Home> Next Page>

———————————–

Do you like this story? Please share it to others and help us spread filipinoconnect.

Napagpasyahan kong iwasan at kalimutan na lang si Jerick. Alam ko na darating ang panahon na mamahalin ko din ng lubusan si Larry. Balang-araw susunod din itong puso ko sa sinasabi ng isip ko. Hindi ako magpapadala sa damdamin ko. May girlfriend si Jerick pero heto siya at nagpapahiwatig ng damdamin sa akin. Gaano ako kasigurado na si Erika at hindi ako ang ginagawa niyang panakip butas. Madali lang iyon sa kanilang mga lalaki na gawin ang mga ganuong bagay. Takot na walang karelasyon kaya kahit hindi pa hiwalay sa isa ay may nililigawan na.

“Mhine, mauna na ako sa’yo ha.” Nagpaalam kaagad ako kay Larry pagkatapos ng klase namin. May practice sila ng basketball at hindi ko gustong makita si Jerick.

“Ayaw mo bang manuod ng practice Mhine?” Palagi kasi akong nanduon sa lahat ng practice nila kaya siguro nagtataka siya.

“Hindi na kasi gusto kong magpahinga. Punta ka na lang sa bahay mamaya ha.” Pagsisinungaling ko.

“O sige. Pagkatapos ng practice. Daan ako sa inyo. I love you mhine.”

“I love you too mhine. Ingat ka palagi.”

“Ingat ka din.” Kiniss lang niya ang hintuturo niya at dinampi sa pisngi ko.

Jerick’s Side:

Kainis naman mukhang uuwi na si Kath. Kanina ko pa sila minamasdan ni Larry at mukhang nagpapaalam si Kath sa kanya. Hindi ko alam pero nahahalata kong iniiwasan niya ako. Kailangang makausap kita Kath. Hindi pwedeng ganito tayo.

“O pare.” Nagguy hand shake pa kami ni Larry.

“Musta na?” Tanong ni Larry sa akin.

“Hindi ko alam kung okay ba ako.”

“Bakit naman? Tungkol na naman kay Erika? Bakit di mo na lang kasi kausapin at tuklasin ang problema. Sigurado akong lalabas at lalabas din ang totoo.”

“Hindi na ako makikipag-ayos sa kanya. Makikipaghiwalay na ako. Ginagawa niya akong tanga.”

“Ha? Di ba mahal mo siya?”

“Oo pero ako parang hindi na niya mahal kaya wala nang silbi ang relasyon namin. Mabuti pa kayo ni Kath going stronger.”

“Natutuwa nga ako e. Hindi ko siguro kakayanin kung maghiwalay kami. Masyado na akong nasanay na kasa-kasama siya.”

“E paano kung isang araw malaman mo na hindi ka pala mahal ni Kath?” Hindi siya sumagot agad. Nagbitiw siya ng napakalalim na buntong-hininga bago nagsalita.

“Ewan ko. Mamamatay yata ako kapag dumating ang araw na iyan.” Sapol ako sa sagot ni Larry. “Hindi siguro ako makakapagmove on kung mangyari man iyan kahit nga ang isiping wala siya sa buhay ko ay sumisikip na ang dibdib ko. Mahal na mahal ko si Kath Jerick at hindi ako makakapayag na maagaw siya ng sinuman kahit ikaw pa.” Sinuntok pa niya ako tanda na biro lang iyong sinabi niya. Napalulon ako sa sinabi niya.

“Hindi ko siya aagawin sa’yo.” Walang laman ang pahayag ko na iyon sa kanya. Hindi ko alam kung hindi ko ba aagawin sa kanya si Kath. Gusto ko ding maramdaman kahit papaano ang mahalin ni Kath, kung paano ang makasama siya.

Dumating na ang coach namin at nagsimula na kaming magpractice. Habang nagpapractice kami ay napagdesisyunan kong tapusin na ang lahat sa amin ni Erika.

“Magandang gabi po tita. Andyan po ba si Erika?” Ang ina ni Erika ang nagbukas ng pintuan ng makarating ako sa bahay nila.

“Oo. Halika! Pasok ka…” Sagot naman nito at tumabi ng konti para makapasok ako.

“Puntahan ko lang sa kwarto niya. Maupo ka muna.” Umakyat na ito sa kwarto ni Erika.

“Anong kailangan mo?” Walang kangiti-ngiting tanong ni Erika ng makababa na ito.

“Gusto kong makausap ka ng sarilinan.” Nakita ko kasing nanunuod ng tv ang mga kapatid niya.

“Sige, doon tayo sa labas.” Nauna na siyang lumabas.

“Ngayon, anong kailangan mo?” Tanong kaagad niya pagkalabas namin.

“Mahal mo pa ba ako?”

“Tinatanong pa ba iyan Jerick?”

“So hindi na nga?” Nagkibit balikat lang ito bilang sagot.

“Bakit di mo ko hiwalayan?”

“Para ano? Para maging libre kayo?”

“Anong ibig mong sabihin?” Kumunot ang noo ko sa sinabi niya. Ibig sabihin iniisip niya na may iba ako.

“Huwag ka na ngang magmaang-maangan dyan Jerick. Alam kong may ibang laman iyan.” Dinuro pa niya ang dibdib ko.

“Hindi kita maintindihan.”

“Pwes ipapaintindi ko sa’yo.” Nakapameywang na sabi nito. Bumuga muna ito ng napakaraming hangin bago nagsalita ulit.

“Nakita ko ang ginawa mo doon sa Timuga, sa kwarto nila. Hindi mo ako napansin dahil nasa kanya lang ang atensyon mo. Akala ko nakalimutan mo na siya ng maging tayo pero nagkamali pala ako. Kaya pala lahat ng lakad natin dapat andun sila dahil gusto mo siyang laging kasama.” Natulala ako sa sinabi niya.

“Kaya ako nagbago Jerick dahil hindi ko matatanggap na traydorin mo ako ng ganun. Ipinangako ko sa sarili ko na sasaktan din kita tulad ng pagpapasakit mo sa akin. Hindi man ang puso mo ang masaktan ko kahit man lang sana ang ego mo matapakan ko.” Tumigil siya sa pagsasalita. Nakita kong pinipigil niyang maluha ng magkasalubong ang mga tingin namin.

“Ngayon, kung hihilingin mong hiwalayan kita. Nagkakamali ka dahil hinding hindi kita hihiwalayan. Hindi ko ibibigay ang kalayaang gusto mo para lang maging malaya kang ligawan siya. At… Huwag na huwag mo akong susubukan dahil kapag naubos ang pasensiya ko ipagtatapat ko kay Larry ang kabaliwan mo sa girlfriend niya.”

“Erika, hindi mo pwedeng gawin iyan. Masasaktan si Larry.”

“Sigurado ka bang si Larry ang masasaktan o ikaw?” Sa tanong niya ay nabuksan ang isip ko. Gaano ba ako kasigurado na may pagtingin din sa akin si Kath? Hindi naman niya sinabi sa akin na may damdamin din siyang inilalaan para sa akin. Hindi na nga niya ako gustong makita tapos heto iniisip kong mahal din niya ako. Ano ba tunay mong damdamin sa’kin Kath? Sana naman mahal mo rin ako.

<Previous Page <Home> Next Page>

———————————–

Do you like this story? Please share it to others and help us spread filipinoconnect.

Maagang umuwi si Larry kinabukasan dahil maaga ang klase niya kaya tinext ko kaagad si Jerick.

• ‘H2i! M5a k2a n2a?’ S5y k6i d4o n7g s2i L5y.’ (Hi! Musta ka na? Sorry kasi dito natulog si Larry.)
• ‘A4m k2o n2a m3y d7n k4a d2i k2a n9y. I2 M4s y3o!’ (Alam ko na may dahilan kaya di ka nakareply. I miss you!)
• ‘T6a? M4 m2o k2o?’ (Talaga? Miss mo ko?)
• ‘O2o n5n K4h. I2 m4s y3o v4y m4h!’ (Oo naman Kath. I miss you very much!)
• ‘B5t m2o s8i s2a a4n y3n? M3y g9d k2a.’ (Bakit mo sinasabi sa akin iyan? May girlfriend ka.)
• ‘K4h m3y s9n s4a a3o s4o. h5g k4g m9a. I2 l4e y3o!’ (Kath may sasabihin sana ako sayo. Huwag kang mabibigla. I love you!)
• ‘What? Ano ba iyang sinasabi mo?”
• “Totoo Kath. H5i k2o n2a i8m a3g d8n k2o s4o. m5l k4a.’ (Hindi ko na ililihim ang damdamin ko sayo. Mahal kita.)
• ‘Bakit mo sinasabi iyan? Alam mong may boyfriend na ako. Naglalaro ka ba? Huwag naman sana ako ang paglaruan mo.’
• ‘Hindi ako naglalaro Kath. Ikaw lang ang babaeng mahal ko. Pinilit kong mahalin si Erika pero hindi talaga sumunod ang puso ko. Naiwan ko ito sa mga kamay mo.’
• ‘Jerick naman e. Tama na.’
• ‘Maniwala ka naman sa akin o. Pinipigil ko lang ang damdamin ko dahil mahal ka ni Larry pero ngayon hindi ko na kayang pigilan pa. Paniwalaan mo sana ako. Hindi kita pinaglalaruan.’

Nasaktan ako sa mga sinasabi ni Jerick kaya hindi ko na sinagot pa ang mga sinasabi nito. Impossible namang nag-iiyak siya na huwag iwan ng girlfriend tapos hindi niya mahal ito. Grabe naman kung maglaro ang pag-ibig napakasakit! Oo gusto kong marinig na sabihin niya sa akin na mahal niya ako pero bakit di ko nagustuhan? Naguiguilty ako. Masasaktan ko si Larry kung tutugunin ko ang kabaliwan ni Jerick. Hindi pwede!

“Anak para sa’yo.” Lumabas ako ng kwarto ng tawagin ako ng mama ko.

“Sino daw po?” Tanong ko sa mama ko ng makalapit sa telepono.

“Hindi sinabi e basta ikaw ang hinahanap.”

“Hello!”

“I love you Kath!” Sabi kaagad ng nasa kabilang linya.

“Ano ba? Tama na! Nakakasakit ka na ng damdamin. Tantanan mo na ako. Pakiusap.” Tumulo na ang mga luha ko. Nasasaktan akong hindi ko matutugon ang damdamin niya kahit gustuhin ko man.

“Sorry Kath kung nakakasakit ako ng damdamin pero hindi ko na kayang pigilan ang damdamin ko. Mahal na mahal kita Kath. May pagtingin na ako sa’yo noong una pa lang kitang makita pero mas binigyang importansya ko si Larry. Matagal ka na niyang mahal. Minsan lang kasi magmahal ang bestfriend ko e kaya nagparaya na lang ako. Akala ko mahahanap ko sa ibang babae ang kasiyahang hinahanap ko mula sa’yo pero hindi e. Ikaw pa din ang makakapagpasaya sa akin.”

“Pakiusap tama na.” Napakahina ng pagkakasabi ko nun. Hindi ko na kayang tanggapin ang mga sinasabi niya. Natutuwa akong malaman ang mga iyon at nagagalak akong marinig mula sa kanya pero napakasakit naman dahil hindi ko pwedeng tugunin ang mga iyon.

“Naalala mo noong papunta tayong dunkin donuts? Hindi ko talaga napigilan ang sarili kong magpayakap sa’yo. Kahit man lang doon maramdaman ko ang mga yakap mo. Palagi kong hinihiling na makasama namin kayo ni Larry kapag lumalabas kami ni Erika para naman makasama kita. Para masilayan ko ang mga ngiti mo.” Lumuluhang nakikinig lang ako sa mga sinasabi niya.

“Kath, ngayong alam mo na ang totoong damdamin ko sa’yo gusto ko sanang malaman kung may puwang ba ako dyan sa puso mo?” Hindi ko siya sinasagot. Tahimik lang akong lumuluha. Nakikinig lang siya. Pinapakinggan namin ang isa’t isa. Gusto ko sanang ibaba ang telepono pero hindi ko magawa. Kung siguro kaharap ko siya niyakap at hinalikan ko na siya. Oo Jerick. May puwang ka din sa puso ko. Napakalaki ng puwang mo sa puso ko. Ikaw lang ang laman ng puso ko. Ikaw lang ang mahal ko. Jerick mahal na mahal kita. Pero di ko magawang sambitin. Nanduon lang ako nakikinig sa kanya.

“Mahal kita Kath!” Parang umiiyak na din ang boses niya.

“Kailangan ko nang pumasok sa school. Bye!” Ibinaba ko kaagad ang telepono bago pa siya makasagot.

Mabilis akong naligo at nagbihis. Pumunta ako ng school at tinungo ang faculty. Pinuntahan ko kaagad si Maam Pepito.

“Mother, may problema ako.” Bungad ko kaagad sa kanya na yumakap pa at nagsisimula nang maglabasan ang mga luha ko. Maaga pa kaya wala pa masyadong mga teachers.

“Ano naman iyon Kath?” Sagot naman niya na hinimas himas pa ang likod ko.

“Sabi niya mahal daw niya ako. Pero bakit ngayon pa? Ngayon pang may boyfriend na ako.”

“Seryoso ba ang pagkakasabi niya?”

“Ewan ko. Feeling ko oo. Hindi ko gustong saktan si Larry. Mahalaga sa akin si Larry mother.”

“Pero sino ang mahal mo talaga?”

“Si Jerick. Siya lang ang mahal. Alam mo naman iyon di ba, mother? Pinapagulo niya ang sitwasyon e. Akala ko si Erika ang mahal niya pero sabi niya ginawa lang daw niyang panakip butas si Erika. Akala daw niya na makakalimutan niya ako kung makipagrelasyon siya sa iba.”

“Bakit daw hindi niya sinabi kaagad na may pagtingin siya sa’yo?”

“Kasi mahal daw ako ni Larry. Ayaw daw niyang masaktan si Larry dahil minsan lang daw itong magmahal.”

“Ikaw anong plano mo ngayon?”

“Naguguluhan ako e. Mahal na mahal ko si Jerick. Sa totoo nga niyan hindi ko maipaliwag ang tuwang nadarama ko ngayong alam kong tinugon niya ang pagmamahal na iyon pero hindi kaya ng konsensya ko na habang masaya kami nasasaktan si Larry. Hindi ko kayang gawin sa kanya iyon. Mahalagang-mahalaga siya sa buhay ko.”

“Kath wala akong ibang maipapayo sa’yo kundi gawin mo kung ano ang sa tingin mo ay tama. Huwag mong gawin dahil lang sa tingin mo di ka nakakasakit ng damdamin. Darating ang panahon na sisingaw iyang kinikimkim mo at mas malaking damage ang lilikhain nito.”

“Pero kung aaminin ko kay Larry ang damdamin ko baka di niya matanggap. Bestfriend niya ang ipampapalit ko sa kanya. Baka magkagulo pa silang dalawa.”

“Pag-isipan mong mabuti. Sa ngayon magulo pa iyang isip mo. Pasasaan ba kapag naging mahinahon ka na ay maiisip mo rin ang tamang solusyon. Pero tandaan mo Kath sa sitwasyon mo anumang solusyon ang piliin mo may masasaktan. Dahil kapag pinili mong huwag saktan si Larry masasaktan mo naman ang damdamin mo at si Jerick. Kapag naman pinili mo ang kaligayahan mo masasaktan mo si Larry. Kaya timbangin mong mabuti.”

<Previous Page <Home> Next Page>

———————————–

Do you like this story? Please share it to others and help us spread filipinoconnect.

Maagang sinundo ni Larry si Kath. Masaya nilang sinalubong ang isa’t isa.

“Mhine, good morning.” Sabay halik kay Kath nang kumalas na ito ng yakap sa kanya.

“Nagtatampo talaga ako sa’yo kagabi. Bakit parang may nararamdaman akong kakaiba sa’yo kagabi?” Kunot pa din ang noo nito.

“Wala naman Mhine. May ginawa lang ako bago kita tinawagan.”

“Hindi ka naman ganyan a. Inuuna mong mag-usap tayo kaysa sa mga homeworks.” Nagtatampo pa din ang boses nito.

“Kalimutan mo na iyon. Ikaw talaga napakamatampuhin mo. Sige ka papangit ka niyan.” Biro pa ni Larry pero hindi talaga ito ngumingiti.

“Sorry na. Hindi na mauulit. Tayo na baka ma-late ka pa.” Biglang may nagtext kay Kath.

• ‘G4d m7g!’

“May topak yata itong nagtext sa akin.”

“Bakit?”

“Tingnan mo. Ano kaya ito? Talaga naman o. Dumarami yata ako ng mga walang magawa sa buhay ngayon.” Natuwa si Larry dahil lumiwanag na ang mukha ng kasintahan.

“Burahin mo na lang.” Suhestiyon naman ni Larry.

“Ok.” Binura na niya ito pero nagsisi niya ng maalala si Jerick. Bakit ko binura? Kainis naman o. Dismayadong nasabi niya sa sarili. Baka si Jerick iyon pero ano naman ang ibig sabihin nun?

Nang nasa school na siya ay nakita niya si Erika kaya kinausap niya ito.

“Erika, pwede ka bang makausap kahit sandali lang?” Simulang sabi niya rito.

“Oo naman. Ano iyon Kath?” Walang pagtutol na sabi nito.

“Tungkol sana kay Jerick.” Diretsong sabi niya dito na ikinataas ng kilay nito.

“Huwag ka nang makialam sa amin Kath. Labas ka na dun.”

“Pero Erika nasasaktan mo ang boyfriend mo.” Tatalikod sana ito pero nagpahabol siya.

“Bakit? Sa tingin mo hindi ako nasasaktan ha?” Pasigaw pa ang pagkakasabi nun.

“Kung nasasaktan ka bakit mo ginagawa ito?”

“Kath wala kang alam sa damdamin ko kaya pwede ba huwag ka na lang makialam. Problema namin ni Jerick to.”

“Huwag mo namang hiwalayan ang boyfriend mo o, nagmamakaawa ako.” Kahit masakit para sa kanyang gawin ay hiniling pa rin niya.

“Bakit ba ganyan na lang ang malasakit mo kay Jerick? Mahal mo ba siya?” Nabigla siya sa tanong nito pero bumawi kaagad siya.

“Hindi ko mahal si Jerick. Mahal ko kayong pareho at nasasaktan ako sa nakikita ko dahil nakita ko noon kung gaano niyo kamahal ang isa’t isa. Anong nangyari? Bakit bigla-bigla na lang nawala ang pagmamahal mo sa kanya?”

“Dyan ka na nga. Wala kang kwentang kausap.”

“Erika… Sandali!” Hindi na talaga ito nagpapigil pa. Dire-diretso itong bumaba ng hagdan. Nasa room kasi sila sa klase nilang Filipino na nasa 5th floor.

Tumunog ulit ang cell niya.

• N6n k2a?
  
  

Nagtext na naman iyong hindi malaman kung nagkavirus ba ang cellphone.

• Si Jerick ito Kath.

Lumaki ang mata niya ng makita ang sumunod na text. Sinasabi ko na nga ba. Pero hindi ko naiintidihan mga messages niya.

• Hindi ko magets Jerick.

• Ganito lang iyan. Naisip ko na iyong first and last letter lang ilagay ng word tapos ang panggitna ay number of letters ng salitang iyon. Try mo nga ito.
• I1 m4s y3o (Bahagya niyang pinag-isipan ang huling text nito. I1 meaning nagsisimula sa I at iisang letra lang meaning I…tapos second word nagsisimula sa m nagtatapos sa s at apat na letra miss? Ang pangatlong letra ay nagsisimula sa y at nagtatapos sa o kaya ibig sabihin you? I miss you?)
• I miss you?
• I miss you too Kath. (Kapal nito ako pa ang napagbintangang namiss ko siya. Totoo naman e.)
• So yon ang meaning nung last text mo?
• Yes. So next time na gusto mo magtext sa akin gamitin mo lang ang code natin.
• Sure. Grabeh! Paano mo naman naisip ang ganyang concept? E paano kung magkamali ako ng interpretation?
• Basta na lang pumasok sa isip ko. We just say c for copy and nc for not copy kung d ka sigurado.
• Okay?
• Tingnan mo masasanay ka din pag lumaon.
• Mamayang gabi text tayo as practice. Okay ba?
• Sure.
• Sige pasok na’ko. Ingat ka Kath.
• Ingat din Jerick. (I miss you talaga pwera biro. Naexcite siya para mamayang gabi.)

Kinahapunan ay namasyal silang dalawa ni Larry. Half day lang ang klase nilang dalawa kaya nagpasya silang magbonding. Nagpunta sila ng mall, nanuod ng sine at kumain pa sa labas. Masayang masaya silang dalawa.

Nang maihatid na ni Larry si Kath ay biglang bumuhos ang malakas na ulan kaya sinabi ng mama nito na sa bahay na lang nila matulog si Larry. Hindi naman tumutol si Kath dahil minsan na silang nagkasama sa pagtulog ng boyfriend. Kampante din naman ang mga magulang ni Kath kay Larry kaya hindi sila nagdadalawang isip kahit magkasama pa ang dalawa sa pagtulog.

“Ma, dito po ako magpapalipas ng gabi kina Kath kasi mukhang hindi titila ang ulan e.” Tinawagan niya ang ina para ipaalam na sa bahay siya ng nobya matutulog.

“Nag-aalala nga ako sa’yo kung may masasakyan ka bang pauwi. Mabuti naman at nandyan ka pala kina Kath. Akala ko saan ka na nagsuot.”

“Huwag po kayong mag-alala. Safe naman po ako. Dito na po ako matutulog.”

“O sige anak. Ingat ka palagi. Ikamusta mo na lang ako sa mga magulang ni Kath.”

“Opo mom.”

Ngayon sana kami magtetext ni Jerick pero paano kung andito si Larry. Bukas ko na lang siya itetext back baka makahalata si Larry. Alam kong maiintindihan din naman ni Jerick kapag ipinaliwanag ko sa kanya. Dismayadong sabi ni Kath sa sarili habang nakatingin kay Larry na nasa telepono.

<Previous Page <Home> Next Page>

———————————–

Do you like this story? Please share it to others and help us spread filipinoconnect.

Hinatid pa ni Kath si Jerick sa bahay nila at inalalayan niya itong mahiga. Awang-awa siya dito. Bakit naman kasi nagmamahal ka pa ng iba? Kung sana’y ako ang minahal mo hindi ka masasaktan ng ganyan. Aalagaan kita at ipapakita ko sa’yo kung paano ang mahalin. Nalulungkot na sabi niya sa sarili.

“Jerick, magpahinga ka na. Huwag mo na munang isipin si Erika. Pangako kakausapin ko siya para sa’yo.” Kahit nasasaktan siya ay iyon ang sinabi niya sa lalaking kaharap.

“Salamat Kath.”

Jerick’s Side:

Napansin kong pumunta si Kath ng C.R kanina sa may gym. Susundan ko sana pero hindi na lang. Nakita kong papalapit si Erika kaya sinumbatan ko siya sa pagkakasama na naman nila ni Paul. Hindi ko akalain na mag-aaway kami at alam kong narinig iyon ni Kath kaya nagkunwari akong apektado para aluhin niya ako. Nagtagumpay naman ako dahil nandito siya ngayon karamay ko.

Pwedeng-pwede ko nang sabihin kay Kath ang damdamin ko sa kanya. Nandito kami sa kwarto ko pero ibang babae ang iniiyakan ko kunwari. Mahal ko din naman si Erika kaya naipapakita kong nasasaktan din ako. Iyong feeling na nasasaktan ka dahil natatapakan ang ego mo.

Madaming nakakaalam ng relasyon namin at madami din ang nakakaalam sa pambabastos nito sa akin. Hindi tama pero inisip kong makipaglapit kay Kath ng palihim. Inisip ko din na gantihan si Erika. Hindi siya ang tunay kong mahal pero ginagawa niya akong katatawanan ng lahat.

“Kath, ok lang ba kung itext kita o kaya puntahan kita sa bahay niyo paminsan-minsan?”

“Oo naman. Bakit naman hindi?”

“Pero ayoko sanang malaman ni Larry na nakikipaglapit ako sa’yo baka magselos siya. At tsaka gusto ko kung magtext tayo, mga code lang na tayong dalawa lang ang nakakaintindi para kung sakaling may makabasa hindi nila maiintindihan.” Nginitian ko siya.

“Ok lang naman kay Larry na maging magkaibigan tayo. Tutal kaibigan na naman talaga namin kayo ni Erika.”

“Gusto ko iyong parang noong nagchachat pa tayo. Walang ibang nakakaalam kundi ikaw at ako lang. Mas masaya kasi ako na ganuon tayo.”

“Ibig mong sabihin hindi tayo magpapansinan kapag may mga tao sa paligid?”

“Oo pero palagi naman kitang itetext tapos tatawagan na ulit kita.”

“Ok. Paano ang code?”

“Mag-iisip ako tapos itatawag ko na lang sa’yo.”

“Ok.”

“Pwede mo ba akong yakapin Kath?” Pinakita ko na naman sa kanya na nasasaktan ako kaya laking tuwa ko ng yakapin niya ulit ako. Ang sarap-sarap ng pakiramdam ko. Ibang-iba ang yakap ni Kath sa yakap ni Erika. Dinadala ako nito sa ulap. Mahal na mahal kita Kath!

Kath’s Side:

Nang umuwi na siya ng bahay nila ay saka lang niya naisip si Larry. Nagtataka siya nung lumabas sila ng school ay wala na ito sa tindahan na sinabi nitong maghihintay siya. Kahit ganun ang naramdaman niya ay mas pinili niyang asikasuhin si Jerick. Nangangailangan kasi ito ng karamay.

Pagkatapos nilang maghapunan ay nag-abang siya sa telepono. Kung hindi kasi dumadalaw si Larry ay tumatawag naman ito sa kanya. Ano kayang nangyayari kay Larry? Takang tanong niya sa sarili dahil alas-dyes na ay hindi pa din ito tumatawag. Kahit nga text ay wala. May problema kaya siya?

Larry’s Side:

Kanina pa niya tinitingnan ang telepono. Gusto niya sanang tawagan ang nobya dahil namimiss na niyang makausap ito pero sa tuwing sumasagi sa isip niya ang nasaksihan sa may gym ay nagdadalawang isip siya. Hindi niya maitanggi sa sarili na ito ang unang beses na pinagselosan niya ang bestfriend niya. Bakit naman ako nagseselos e kaibigan namin ni Kath si Jerick? Baka malinis ang intensyon ni Kath na pagdamay lang dito? Ni minsan ay hindi pa kami nagkakasalubong ni Jerick dahil sa isang babae. Parang ngayon pa lang yata kung magkamali siya.

“O anak baka matunaw na iyang telepono sa kakatitig mo? Nag-away ba kayo?” Tanong ng mama niya ng mapansin siya sa harap ng telepono.

“Hindi naman po kami nag-away ma.”

“E bakit di mo tawagan? Nagtatampo ka ba sa kanya? Anong dahilan?”

Tsaka lang niya naisip na wala naman siyang dapat ipagtampo at ipagselos dahil pinagkakatiwalaan niyang mahal siya ng girlfriend niya.

“Hindi naman po. Ewan ko po ba.”

“Naku, itong anak ko nagmamahal na talaga. Marunong ng magtampo kahit walang dahilan. Tawagan mo na. Alam kong gusto mo din siyang makausap. Lalaki ang gap ninyo kung titikisin niyo ang isa’t isa.”

Tumalima siya sa sinabi ng ina. Tama naman ang sabi ng mommy niya , gusto din naman niyang makausap ang girlfriend niya. Tsaka ayaw niyang magkaroon sila kahit pa maliit na gap ng girlfriend. Kung dumating ang panahon na hihiwalayan siya nito baka di niya makayanan.

“Hello Mhine! Kumusta?” Masiglang bati niya sa kasintahan.

“Ok lang naman. Bakit di mo ko hinintay kanina?” Nagdadalawang-isip siya kung sasabihin ba niya kaya naghanap na lang siya ng palusot.

“Si coach Jim kasi nagpasama sa faculty. Sabi niya sandali lang daw e hindi naman. Pasensya ka na Mhine. Promise di ko na uulitin.”

“Ah ganun ba. Pinakaba mo ko. Ni hindi ka nga pumunta dito ngayon.” Nabakas niya sa boses nito na nagtatampo ito.

“Sorry talaga Mhine. Bukas ng umaga susunduin kita, promise!. Sabay tayo papunta ng school.”

“Ok. Hihintayin kita. Naku huwag mo ‘kong indyanin. Makakatikim ka sa akin.” Sabi nito na ikinatawa nilang dalawa. Nawala na ang tampo niya sa kasintahan.

“I love you Mhine.”

“I love you too Mhine. Mwaaaahh.”

Bago pa sila nagpaalam ay kinantahan niya ang kasintahan. Iyong kantang palagi niyang inilalaan dito. Ang ‘Ordinary Song’.

<Previous Page <Home> Next Page>

———————————–

Do you like this story? Please share it to others and help us spread filipinoconnect.

Natapos na ang laro. Feeling ko wala akong naintindihan sa laro kahit pa sumisigaw-sigaw ako. Iniisip ko pa din kasi ang sagot sa tanong na kung mahal ko ba talaga si Larry? Akala ko kasi mahal ko siya pero parang hindi yata. Si Jerick lagi ang laman ng isip ko. Naaawa lang ba talaga ako sa kanya o hindi pa din nawawala ang pagmamahal ko sa kanya?

“Mhine, tayo na.”

“C.R muna ako Mhine kasi kanina ko pa pinipigil eh.”

“O sige. Iyong sa may exit na pintuan ang C.R. Hintayin na lang kita sa tapat na tindahan sa may gate. Nauuhaw kasi ako. Bili lang akong ice water.”

“Ok Mhine. Mabilis lang ako.”

Papalabas na ako ng bathroom ng parang may naririnig ako na nag-aaway. Hindi ko naman nakikilala ang mga boses. Lumakas ang kaba sa dibdib ko ng may marinig akong kumalabog. Para kasing isa sa kanila ang humagis ng upuan. Mga plastic na upuan kasi kaya magaan lang. Sino kaya ang mga iyon?

Dahan dahan akong naglakad palabas. Parang madadaanan ko yata silang dalawa pero nang mapadaan ako ng court ay tahimik ang paligid. Mukhang umalis na sila kaya nagpalinga-linga ako. May nakita akong nakayuko na isang lalaki. Nagdalawang-isip ako kung lalapitan ko ba kasi kami na lang dalawa sa court.

Aalis na sana ako ng tawagin niya ako.

“Kath…” Parang umiiyak siya. Sigurado akong kay Jerick galing ang boses na iyon. Nilingon ko siya at hinaplos ang puso ko sa nakikita ko. Hindi ko alam anong pumasok sa isipan ko at niyakap ko siya.

“Bakit ganun Kath?” Naiiyak na din akong nakayakap sa kanya. Pareho kasi kami ng tanong. Bakit kaya ganun?

“Minahal ko naman siya Kath. Binigay ko ang lahat sa kanya pero bakit ganito ang ginagawa niya sa akin? Masama ba akong boyfriend Kath?” Nakasubsob na siya sa dibdib ko habang umiiyak.

“Jerick hindi ka masamang boyfriend. Mabuti kang tao. Sadyang may mga taong naglalaro lang talaga sa damdamin ng ibang tao.”

“Hindi ko kaya kung makipaghiwalay siya sa akin Kath. Tulungan mo ako.” Para siyang batang nagmamakaawa sa akin. Jerick kung sana’y ako na lang…

“Anong gusto mong gawin ko?”

“Pakiusapan mo si Erika na huwag akong hiwalayan. Please Kath. Ipangako mo na tutulungan mo ako.”

“Pero Jerick.. Hindi ko hawak ang isip ni Erika.”

“Makikinig siya sa’yo alam ko.”

Larry’s Side:

Ang tagal naman ni Kath. Ano kayang nangyari?

Papasok sana ako sa gym nang makita ko sina Jerick at Kath na magkayakap. Nagseselos ako. Hindi dapat iyon ang madama ko dahil alam kong kaibigan namin ni Kath si Jerick pero hindi ko naiwasan. Yakap-yakap ni Kath si Jerick. Patuloy na inaalo siya ng girlfriend ko. Bakit parang napakasakit ng dibdib ko sa nakikita ko? Hindi ko na lang sila nilapitan. Nagpasya na lang ako na umuwi na habang hawak ang puso ko.

Erika’s Side:

Nagsisi ako sa sinabi ko kay Jerick. Mahal na mahal ko naman talaga siya pero siya itong nagmamahal ng ibang babae. Gusto ko lang namang makaganti sa kanya sa kalahating atensyon lang na ibinibigay niya sa akin. Ipinangako ko sa sarili ko na sasaktan ko siya sa abot ng aking makakaya sa ginawa niyang pananakit sa akin ng di sinasadya.

“Erika, bakit kasama mo na naman si Paul?” Naalala ko na tanong sa akin ni Jerick ng nasa may basketball court kami kanina.

“Nagpasama lang siya sa akin kasi may project kami sa Physics. Di ba kaklase ko siya hon?”

“Grabe naman iyang project niyo kailangang magdamagan?” Inihagis pa nito ang silya na nasa tapat niya kaya nagulat ako at nainis sa kanya.

“Jerick, ano ba? Bakit ba napakamalisyoso mo?”

“Hindi ako malisyoso. Ikaw itong kung sinu-sino ang sinasamahan. Ano bang kulang sa akin Erika? Binigay ko naman sa’yo ang buong puso ko a.” Talaga Jerick? Iyon sana ang gusto kong itanong sa kanya. Bakit sa Timuga nakita kitang parang may pagnanasa ka kay Kath?

“Jerick, ano ba? Huwag ka ngang magselos dyan. Pasalamat ka hindi kita hiniwalayan. Kung tutuusin madami ang nagkakagusto sa akin pero nagtitiyaga ako sa’yo. Huwag mo akong galitin.” Iniwan ko na lang siya na nakayuko lang.

Malapit na ako sa may gate ng maisipan kong hindi ko dapat ginawa iyon kay Jerick kaya bumalik ako. Nakita ko si Larry na paalis na parang hawak ang puso niya kaya sumilip din ako. Parang nalaglag din ang puso ko sa nakikita ko. Magkayakap sina Kath at Jerick. Nakasubsob pa siya sa dibdib ni Kath. Bakit Jerick? Bakit kailangan mong gawin ito sa akin?

<Previous Page <Home> Next Page>

———————————–

Do you like this story? Please share it to others and help us spread filipinoconnect.

Jerick’s Side:

Kinabukasan ay maaga akong nagising. Pinuntahan ko kaagad si Larry. Hindi ko alam bakit pero dinasal ko na sana walang nangyari sa kanila ni Kath kagabi. Hindi yata kakayanin ng puso ko kung sakaling magkwento siya. Pero sa isang banda naman alam kung hindi papayag si Kath na mauuna iyon sa kasal kaya may konting confidence ako.

Kumatok ako pero hindi pa din nila binubuksan makalipas ang ilang minuto kaya tinext ko si Larry. Sabi niya na bumili daw siya ng makakain namin sa palengke. Hindi na lang niya kami ginising dahil napakaaga pa daw. Sinabi ko na lang sa kanya na hihintayin ko siya sa loob ng kwarto nila ni Kath. Tulug na tulog pa din si Erika ng iwan ko siya sa kwarto namin.

Nang makapasok na ako ay mahimbing na natutulog si Kath. Napakasarap niyang pagmasdan habang natutulog. Napakapayapa na parang bata. Minsan ngumingiti-ngiti pa.

May nagrebelde sa pagkatao ko dahil hindi ko ginagawa kay Erika ang tingnan at purihin siya habang natutulog. Kay Kath lang talaga. Natutulog ang girlfriend ko sa kabilang kwarto pero heto ako pumupuri ng ibang babae. Feeling ko napakasama ko.

Hindi ko napigilan ang aking sarili na haplusin ang mukha niya. Ngumiti ito na parang nakikiliti siya sa ginawa ko. I love you. Hiyaw ng puso ko.

Kath’s Side:

Nang magising ako ay nasa gilid ng kama si Jerick. Parang totoo yata ang panaginip ko na hinaplos niya ang mukha ko. Parang narinig ko pa nga na sinabi niyang mahal daw niya ako. Grabe naman ang panaginip ko parang totoong totoo.

Nagtaka ako kung ano ang ginagawa niya sa loob ng kwarto namin ni Larry. Mas lalo akong nagtaka dahil wala si Larry. Hindi kaya si Jerick ang katabi ko kagabi sa pagtulog?

Nagkatitigan kami. Nahiya pa nga ako dahil alam kong hindi ako maayos. Kagigising ko lang kaya.

“Good morning Kath.” Bati niya sa akin. Tumikhim ako at tumayo. Ayokong maamoy niya ang morning breath ko nakakahiya.

“Good morning din Jerick. Nasaan si Larry?” Tanong ko sa kanya.

“May binili lang daw sa palengke. Hindi na niya tayo ginising dahil maaga pa daw.”

“Bakit di niya ako sinama?”

“Hindi ko alam e.”

Nakakailang naman na kasama ko ito sa kwarto. Baka magselos si Larry nito a.

“Nasaan si Erika?”

“Ayun, natutulog pa.” Sagot niya. Naubusan na ako ng itatanong. Ayoko namang magtanong ng non-sense baka matawa siya sa akin o kaya maging weird ako sa paningin niya. Nais ko pa ding magpaimpress sa kanya.

“Pasensya ka na kung pumasok na ako ha.” Narinig kong nagsalita siya kaya nilingon ko siya. Nakangiti siya sa akin. Ang ganda naman ng ngiti niya. MrCloseUp talaga.

“Ok lang iyon. Wala naman tayong ginagawang masama e.” Biglang dumating si Larry.

“Mhine, gising ka na pala.” Lumapit siya sa akin at hinalikan niya ako. Nakita kong napalingon si Jerick. Napakapassionate naman ni Larry. Hindi kasi tipong bastos o malaswang tingnan iyong mga pahalik-halik niya.

“Oo. Ngayon-ngayon lang.”

“Pre, kami na pala ni Kath. Hindi ko pala nasabi ng pormal kahapon.” Habang payakap na nakahawak sa baywang ko.

“Masaya ako para sa inyong dalawa. Alam ko namang dyan din ang punta niyo e.”

“Kung nakatapos lang ako ng school. Magpapakasal na siguro kami kaagad.”

“Ha? Grabe ka naman Mhine. Nagmamadali ka yata.” Natawa ako kay Larry.

“Oo. Baka maagaw ka pa ng iba sa akin. Hindi ko kakayanin. I love you Mhine.”

“Huwag kang mag-alala ikaw lang Mhine. Kahit sandamukal pa na mga guys ang nasa paligid. Ikaw lang ang one and only Mhine ko.” Madali yata akong nasanay sa pagtawag sa kanya ng Mhine. Hmmmm!

“Naku naiinggit na ako sa inyong dalawa. Puntahan ko muna si Erika baka gising na siya.” Paalam ni Jerick at lumabas na. Hindi pa din bumibitiw si Larry sa pagkakayakap sa baywang ko. Confident na kami sa isa’t isa dahil sa matagal-tagal na din naming pagkakaibigan. Maganda pala ang kalalabasan ng isang relasyon kung nagsimula sa pagkakaibigan. Nasaisip ko habang nakatingin sa kanya.

Jerick’s Side:

Hindi ko yata kaya ang makitang palaging napakasweet nina Larry at Kath. Mamamatay yata ang puso ko kung palaging ganito ang masasaksihan ko. Kath sorry kung hindi ko kayang sabihin sa’yo ang damdamin ko. Inaalala ko lang kasi ang bestfriend ko. Mahal na mahal ka kasi niya. Huwag mo sanang isipin na hindi ka mahalaga sa akin dahil ang totoo ikaw ang pinakamahalagang babae sa buhay ko.

Nang makabalik ako sa kwarto namin ni Erika ay gising na ito. Parang umiiyak siya.

“Umiiyak ka ba hon?” Takang tanong ko sa kanya.

“Hindi napuwing lang ako.” Sagot naman nito na kinusot pa ang mga mata niya.

Erika’s Side:

Nasasaktan talaga ako sa nakita kong paghaplos ni Jerick sa mukha ni Kath. Hindi kasi niya namalayan na sumunod ako sa kanya. Gugulatin ko sana sila sa kwarto nina Larry pero ako ang nagulat sa ginawa ni Jerick. Alam ko mahal pa din niya si Kath kahit pa sinasabi niyang ako ang mahal